नवी दिल्ली : अमेरिकेमधील अलास्का पेनिनसुलामध्ये बुधवारी रात्री भुकंपाचे जबरदस्त झटके पहायला मिळाले आहेत. या भूकंपाची तीव्रता ८.२ रिश्टर स्केल सांगितली आहे. हे धक्के इतके तीव्र होते की, त्यानंतर त्सुनामी येण्याची शक्यता वर्तवण्यात आली आहे. या भूकंपानंतर मोठ्या प्रमाणावर विध्वंस होण्याची शंका वर्तवली गेली आहे. सध्या तरी या भूकंपात कोणत्याही प्रकारच्या जीवित हानीची नोंद झाली नाहीये. मात्र, या भूकंपानंतर किनाऱ्याच्या भागात त्सुनामी लाटेची शक्यता वर्तवण्यात आली आहे.

अमेरिकेच्या झिओलॉजिकल सर्व्हेने रात्री ११:१५ वाजता भूपृष्ठाच्या खाली ३५ किमी खाली भूकंपाचे केंद्र असल्याचं म्हटलंय. मात्र, या भूकंपाचा परिणाम खूप लांबवर झाला आहे. USGS च्या सांगण्यानुसार, त्यानंतर कमीतकमी आणखी दोन धक्के जाणवले आहेत. या भूकंपाची तीव्रता ६.२ आणि ५.६ असल्याचं सांगितलं गेलंय. भूकंपांच्या या धक्क्यानंतर दक्षिण अलास्का, अलास्कामधील पेनिनसुला आणि एलेउटियन टापूवर त्सुनामीचा इशारा देण्यात आला आहे.