कोरोना संसर्गावर (coronavirus) प्रभावी ठरणारी २ औषधं संशोधकांना आढळली आहेत. फ्लोरिडा विद्यापीठातील (florida university) संशोधनातून (research) ही बाब समोर आली आहे. गेल्या दोन वर्षांपासून कोरोनावर हे संशोधन सुरू आहे. ही दोन्ही औषधे कोविड-19 विरुद्ध प्रभावी असल्याचे संशोधनातून समोर आले आहे.

दोन औषधे कोरोना संसर्गाविरूद्ध प्रभावी

फ्लोरिडा विद्यापीठातील संशोधकांना प्राथमिक चाचणीत दोन औषधे कोरोना संसर्गाविरूद्ध प्रभावी असल्याचे आढळले आहे. डिफेनहायड्रॅमिन आणि अँटीहिस्टामाइन्स. ही दोन्ही औषधे ऍलर्जीच्या लक्षणांसाठी वापरली जाऊ शकतात.

कोरोना संसर्गाचा परिणाम दाखवू शकला नाही

संशोधकांनी सांगितले की, औषधांमध्ये गाय आणि मानवी दुधात आढळणारे लॅक्टोफेरिन हे प्रथिनं मिसळले गेले. त्यानंतर माकडाच्या पेशी आणि मानवी फुफ्फुसाच्या पेशींवर चाचणी केली गेली, ज्यामध्ये असे आढळून आले की कोरोना संसर्गाचा परिणाम दाखवू शकला नाही.