ग्रेनोबल (फ्रान्स): इमारतीला आग लागल्यानंतर दोन मुलांनी खिडकीतून खाली उड्या मारल्या. सुदैवाने दोघेही बचावले असून, दोघांचा थरारक व्हिडिओ व्हायरल झाला आहे.

अपहरणकर्त्यांशी भिडली आई; व्हिडिओ व्हायरल...

प्रसारमाध्यमांनी दिलेल्या वृत्तानुसार, ग्रेनोबल शहरात मंगळवारी (ता. 21) ही घटना घडली. दोन मुलांना घरात ठेवल्यानंतर दरवाजाला कुलूप लाऊन आई-वडील बाजारात गेले होते. यावळी इमारतीला आग लागली. घर बंद असल्यामुळे मुलांना घराबाहेर पडता येत नव्हते. आगीचा भडका वाढत चालला होता. यामुळे 3 आणि 10 वर्षीय मुलांनी तिसऱ्या मजल्यावरून खाली उडी मारण्याचा निर्णय घेतला. प्रसंगावधान दाखवत आधी मोठ्या भावाने लहान भावाला बाहेर काढले, मग स्वत: बाहेर निघाला. त्यानंतर या दोघांनी खाली उडी मारली. इमारतीखाली थांबलेल्या नागरिकांनी त्यांना अलगद झेलत जीव वाचवला. उपचारासाठी त्यांना रुग्णालयात दाखल करण्यात आले आहे. संबंधित व्हिडिओ व्हायरल झाला आहे.