Russia Ukraine War : रशिया आणि युक्रेनमधील युद्ध थांबण्याचं नाव घेत नाहीये. युद्ध सुरु होऊन 10 दिवस उलटून गेले असताना, रशियन सैन्य युक्रेनच्या शहरांमध्ये घुसून हल्ले करत आहे. रशियन सैन्याचे बॉम्ब आणि क्षेपणास्त्रांमुळे (Missile Attack in Vinnytsia) युक्रेनच्या शहरांमध्ये सध्या विध्वंस सुरु आहे. रशियाने युक्रेनच्या शहरांवर हल्ले आता मोठे हल्ले करण्यास सुरुवात केली आहे. रविवारी, रशियन सैन्याने युक्रेनच्या विनिस्टिया शहरावर जोरदार बॉम्बहल्ले करत क्षेपणास्त्रंही डागली आहेत.

रशियन सैन्याने विनिस्टिया शहरावर तब्बल आठ क्षेपणास्त्रं डागली. रशियाच्या क्षेपणास्त्र हल्ल्यात युक्रेनचे विनिस्टिया शहर उद्ध्वस्त झालं आहे. विनिस्टिया शहरावर रशियाच्या क्षेपणास्त्र हल्ल्यात शहरातील विमानतळं पूर्णपणे उद्ध्वस्त झाली आहेत. युक्रेनचे परराष्ट्र मंत्री दिमित्रो कुलेबा यांनी विनिस्टिया शहरात झालेल्या विध्वंसाच्या बातमीला दुजोरा दिला आहे.