युक्रेन आणि रशिया यांच्यात युद्धाचा (Ukraine Russia War) भडका अखेर उडालाच. रशियाने युक्रेनमध्ये लष्करी कारवाई करत असल्याची घोषणा केली आणि युक्रेनच्या अनेक भागात स्फोटांचे आवाज येऊ लागले. दरम्यान, युक्रेनच्या परराष्ट्र मंत्र्यांनी देखील संपूर्ण जगाला रशियाशी संबंध तोडण्याचे आवाहन केले. तसेच युक्रेनने आपल्या अधिकृत ट्विटर अकाऊंवरून (Ukraine Twitter Account) एक कार्टून ट्विट केले.
रशियाने (Russia) लष्करी हल्ला केल्यानंतर युक्रेनने (Ukraine) आपल्या ट्विटर अकाऊंटवरून अॅडोल्फ हिटलर (Adolf Hitler) आणि व्लादिमीर पुतिन (Vladimir Putin) यांचे एक कार्टून (Cartoon) शेअर केले. या कार्टूनला युक्रेनने कोणतेही कॅप्शन दिलेले नाही. मात्र या कार्टूनमध्ये हिटलर पुतिनला कुरवाळत असल्याचे दाखवण्यात आले आहे. युक्रेनने या कार्टूनद्वारे पुतिन यांना हिटलरच्याच पंक्तीत बसलवले आहे.
आज (दि. २४) सकाळी 11 च्या सुमारास केलेले हे ट्विट सध्या 90 हजार लोकांनी रिट्विट केले आहे. तर जवळपास साडेतीन लाख लोकांनी हे ट्विट लाईक केले आहे. रशियाने युक्रेनमध्ये सुरू केलेल्या लष्करी कारवाईत आतापर्यंत 7 लोकांचे प्राण गेले असून 9 लोक जखमी झाल्याची प्राथमिक माहिती येत आहे. हा आकडा मोठ्या प्रमाणात वाढण्याची दाट शक्यता आहे अशी माहिती रॉयटर्सने दिली आहे. युक्रेनच्या गृह मंत्र्यांनी दिलेल्या माहितीनुसार देशभरात सर्वत्र बॉम्ब शेलिंग होत आहे. रशियन लष्कराने आम्ही युक्रेनचे एअरबेस आणि लष्करी इमारतींना टार्गेट करत असल्याचे सांगितले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.