कॅलिफोर्निया : कॅलिफोर्नियाच्या दक्षिण भागात आज (शनिवार) मोठा भूकंप झाला. हा भूकंप 7.1 रिश्टर स्केल इतक्या तीव्रतेचा असल्याची नोंद झाली आहे. 20 वर्षांतील सर्वांत मोठ्या तीव्रतेचा भूकंप आज झाला.
कॅलिफोर्नियातील रिजरक्रेस्ट या शहराजवळ जमिनीपासून 900 मीटर खोलीवर या भूकंपाचे केंद्र होते. हे केंद्र लॉस एंजल्सपासून ईशान्येस 240 किमी अंतरावर आहे. याबाबत भूकंपशास्त्रज्ञ डॉ. ल्युसी जोन्स यांनी सांगितले, की रिजरक्रेस्ट या शहराजवळ भूकंपाचे केंद्र आहे. या भागात भूकंपाच्या धक्क्यांची मालिका आहे. या भूकंपाचे धक्के आणखी काही काळ जाणवतील, असा अंदाज त्यांनी व्यक्त केला.
दरम्यान, अशा प्रकारचे किंवा त्यापेक्षाही अधिक तीव्रतेचा भूकंप पुढील आठवड्यात होण्याची शक्यता आहे, असे भूकंपशास्त्रज्ञ डॉ. ल्युसी जोन्स यांनी सांगितले.
कोणतीही जीवितहानी नाही
या भूकंपात आतापर्यंत कोणतीही जीवितहानी झाली नाही किंवा कोणी गंभीर जखमी झालेले नाही, अशी माहिती पोलिसप्रमुख जेड मॅकलॉइन दिली.
काही ठिकाणी आग
या शहरात झालेल्या भूकंपानंतर काही ठिकाणी आग लागण्याची घटना घडली आहे. आपात्कालीन यंत्रणांना याबाबतची माहिती देण्यात आली असून, त्यांच्याकडून मदतकार्य सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.