कोरोना महामारीच्या संकटाकामध्ये अमेरिकामध्ये (America) ‘लाइलाज’ कँडिडा ऑरिस (Candida auris) हा संसर्गजन्य आजाराचा प्रादुर्भाव वाढला आहे. 'कॅंडिडा ऑरिस' हा फंगस माणसाच्या मृत्यूनंतरही नष्ट होत नाही, तर एका शरीरातून तो दुसऱ्या शरीरात वेगाने पसरतो. कँडिडा ऑरिस या आजाराचे रुग्ण आढळल्याची माहिती डलास येथील दोन रुग्णालये आणि वॉशिंगनट डीसीमधील एका नर्सिंग होममधून देण्यात आली आहे. येथे कँडिडा ऑरिस या संसर्गजन्य रोगाच्या रुग्णावर उपचार सुरु आहेत. रोग प्रतिकारशक्ती कमकुवत असणाऱ्या रुग्णांना या आजारापासून अधिक धोका असल्याचं डॉक्टरांनी सांगितलं आहे. इतर रोगांच्या तुलनेत हा आजार अधिक घातक आणि संसर्गजन्य असल्याचं तज्ज्ञ डॉक्टरांनी सांगितलं आहे.

वॉशिंगटन डीसी नर्सिंग होममध्ये कँडिडा ऑरिस या रोगाच्या 101 रुग्णाची नोदं करण्यात आली आहे. यामधी तीन रुग्णांवर कोणत्याही प्रकारच्या अँटीफंगल औषधांचा परिणाम होत असल्याचं निदर्शनास आलं आहे. डलास येथील दोन रुग्णालयात 22 रुग्णांची नोंद आहे. यामधील दोन रुग्णाची प्रकृती गंभीर असल्याचं बोललं जात आहे. हा आजार एका रुग्णांपासून दुसऱ्या रुग्णाकडे पसरत असल्याचा निष्कर्ष CDC ने लावला आहे.

‘सेंटर फॉर डिजीज कंट्रोल एंड प्रीव्हेंशन’ (CDC) यांच्या अभ्यास आणि निष्कर्षानुसार कँडिडा ऑरिसच्या तीन रुग्णांपैकी एकापेक्षा जास्त रुग्णाचा मृत्यू होतो. या संसर्गजन्य आजाराचा मृत्यूदर जास्त आहे. सीडीसीने कँडिडा ऑरिस या संसर्गजन्य आजाराला जागतिक धोका म्हटलं आहे. कोरोना विषाणूपेक्षा हा आजार अधिक धोकादायक असल्याचेही काही तज्ज्ञांचं म्हणणं आहे.

कँडिडा ऑरिस फंगस हा आजार अतिशय धोकादायक असून यावर अॅन्टीफंगल मेडिकेशनचाही परिणाम होत नाही. या फंगसवर आतापर्यंत कोणतेही औषध बनवण्यात आले नाही. या आजाराबाबत गोपनीयता ठेवण्यात आल्यामुळे लोकांमध्ये फंगसबाबत कोणतीही माहिती नसल्याने ही मोठी समस्या ठरत आहे.