USA News : 11 सप्टेंबर 2001 रोजी अमिरिकेच्या ट्वीन टॉवरवर झालेल्या दहशतवादी हल्ल्यामुळे संपूर्ण जग हादरले होते. यावेळी 3000 लोकांचा मृत्यू झाला होता. मात्र आता या दहशतवादी हल्ल्याचा कट रचणाऱ्यांची फाशीची शिक्षा माफ केली जाऊ शकते.असे वृत्त समोर येत आहे.

दहशतवादी हल्ल्यात मृत्युमुखी पडलेल्यांच्या नातेवाईकांमध्ये प्रचंड नाराजी असून अनेकांना आपली फसवणूक झाल्यासारखे वाटत आहे.

अधिक माहिती आशी की, या प्रकरणात फिर्यादी आणि बचाव पक्ष यांच्यात करार झाल्याचे समजत आहे. यानुसार दहशतवादी हल्ल्याचा मास्टरमाईंड खालिद शेख मोहम्मद आणि इतर चार जणांनी गुन्हा कबूल केला तर त्यांना फाशीची शिक्षा दिली जाणार नाही. या संदर्भात पेंटागॉनने या हल्ल्यात मारल्या गेलेल्यांच्या कुटुंबीयांना पत्रही लिहिले आहे.

यामुळे पीडितांचे नातेवाईक संतापले असून एका महिला क्रिस्टीन ब्रेइटवेझर यांनी या करारावर तीव्र नाराजी व्यक्त केली आहे.यावेळी त्या म्हणाल्या की, मला फार खूप दुःख होत आहे. मला वाटत होते कि, मी ज्या अमेरिकेत राहते इथे कायद्याचचं राज्य आहे. मात्र प्रत्यक्षात असे काही दिसून येत नाहीये.दहशदवादी हल्यात त्यांच्या पतीचा मृत्यू झाला होता.

त्याचप्रमाणे दहशतवादी हल्ल्यात आपला पुतण्या गमावलेल्या ब्रॅड ब्लॅकमन म्हणाले की, दहशतवाद्यांना कठोर शिक्षा होईल असे आश्वासन दिले होते मात्र या करारामुळे हे प्रकरण कोणत्याही खटल्याशिवाय संपेल आणि 11 सप्टेंबरच्या दहशतवादी हल्ल्याचे सत्य कधीच समोर येणार नाही.