USA President: अमेरिकेत अध्यक्षपदाची निवडणूक पुढील वर्षी होणार आहे. विद्यमान अध्यक्ष ज्यो बायडेन (वय ८१) आणि माजी अध्यक्ष डोनाल्ड ट्रम्प (वय ७७) हे पुन्हा निवडणूक लढविण्यासाठी इच्छुक आहेत. या प्रबळ संभाव्य उमेदवारांसह अन्य इच्छुकांनीही उमेदवारीसाठी प्रचाराला सुरुवात केली आहे.
या पार्श्‍वभूमीवर न्यूयॉर्क टाइम्स आणि सिएना महाविद्यालयाने एक सर्वेक्षण केले आहे. त्यामध्ये अमेरिकेतील प्रमुख सहापैकी पाच राज्यांमध्ये ट्रम्प हे बायडेन यांच्या पुढे असल्याचे आढळले आहे. ही पाहणी नेवाडा, जॉर्जिया, ॲरिझोना, मिशिगन, पेनसिल्व्हानिया आणि विस्कॉन्सीन या राज्यांमध्ये २२ ऑक्टोबर ते ३ नोव्हेंबर या काळात दूरध्वनीच्या माध्यमातून करण्यात आली.
सहा राज्यांपैकी विस्कॉन्सीन या मराठी भाषेत खालील पाठाचे परावर्तन करा: प्रविष्टी: एकमेवराज्याने अध्यक्ष बायडेन यांना पाठिंबा व्यक्त केला आहे. तेथे ट्रम्प मागे आहेत. येथे बायडेन यांना ४७ टक्के लोकांचे तर ट्रम्प यांना ४५ टक्के लोकांचे समर्थन मिळाले आहे.
या सर्वेक्षणाबाबत बोलताना बायडेन यांचे प्रचार प्रवक्ते केव्हिन मुनोज म्हणाले, ‘‘आताचे हे भाकीत पुढील वर्षी बदलेल. मतदारांचे मनपरिवर्तन विजयात करण्यासाठी अध्यक्ष बायडेन यांचे प्रचार समिती कठोर प्रयत्न करीत आहेत. पुढील वर्षी होणाऱ्या निवडणुकीची चिंता आम्ही करणार नाही तर दिवस-रात्र काम करून विजय मिळवू. आजचे समीकरण पुढील वर्षात बदलेल.’’
ज्या सहा राज्यांमध्ये पाहणी करण्यात आली त्यामध्ये ३० वर्षांपेक्षा कमी वयाच्या मतदारांकडून बायडेन यांना केवळ एक टक्के पाठिंबा मिळाला आहे. लॅटिन भाषा बोलणाऱ्यांकडून (हिस्पॅनिक मतदार) त्यांना मिळणारे समर्थन घटून केवळ एक आकड्यापर्यंत आले आहे. याशिवाय शहरी भागात त्यांना मिळणारा पाठिंबा हा ट्रम्प यांना ग्रामीण भागात मिळणाऱ्या पाठिंब्यापेक्षा निम्मा आहे. स्त्री-पुरुष मतदारांचा विचार करता महिलांचा कल अद्याप बायडेन यांच्याकडे आहे. पुरुषांचे समर्थन ट्रम्पयांना असून त्याचे प्रमाण दुपटीने अधिक आहे.
गेल्या वेळी म्हणजे २०२० मध्ये बायडेन यांचे समर्थन करणारे पेनसिल्व्हानिया मतदार स्पेंसर व्हिस हेही आता ट्रम्प यांचे समर्थन करीत आहेत. जो देशासाठी सकारात्मक दृष्टिने आदर्श नेता ठरेल त्याला अध्यक्षपदी पाहण्याची इच्छा आहे. ट्रम्प हे त्यासाठी योग्य नेते वाटतात, असे ते म्हणाले.
- बायडेन यांच्या धोरणांचा वैयक्तिक पातळीवर फटका बसल्याचे आणि ट्रम्प यांची धोरणे लाभदायी ठरल्याची नोकरदारांची भावना
- प्रभावी अध्यक्ष होण्यात आता बायडेन यांना वाढत्या वयाचा अडथळा असे ७१ टक्के मतदारांचे म्हणणे
- केवळ १९ टक्के ट्रम्प समर्थकांना ते जास्त वयस्क वाटतात
- अर्थव्यवस्थेबाबत बायडेनपेक्षा ट्रम्प यांच्यावर ५९ टक्के मतदारांचा विश्‍वास
- स्थलांतर, राष्ट्रीय सुरक्षा आणि इस्राईल-पॅलेस्टाइन युद्ध आदी मुद्द्यांवर ट्रम्प यांना समर्थन
- गर्भपातासंबंधीचा निर्णय हाच केवळ बायडेन यांच्या बाजूचा बळकट मुद्दा आहे
नेवाडा ः ५२ ः ४१
जॉर्जिया ः ४९ ः ४३
ॲरिझोना ः ४९ ः ४४
मिशिगन ः ४८ ः ४३
पेनसिल्व्हानिया ः ४८ ः ४४
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.