पॅरीसः एका मोटारीमधून झाड बाहेर आल्याचे छायाचित्र आणि व्हिडिओ सोशल मीडियावर मोठ्या प्रमाणात व्हायरल होत आहे. दैवी चमत्कार असल्याच्या प्रतिक्रिया सोशल मीडियावर उमटू लागल्या. प्रत्येकजण यामागील कारण जाणून घेण्याचा प्रयत्न करत होता.
फ्रान्समध्ये एका रात्रीत उगवलेले हे झाडं सध्या आकर्षणाचा विषय ठरत आहे. व्हिडिओमध्ये एका गाडीच्या छतामधून झाड बाहेर आल्याचे दिसत आहे. व्हिडिओ पाहिल्यानंतर अनेकांना आश्चर्य वाटत आहे. मोटारीच्या बाजूला नागरिक असून, ते आश्चर्याने झाड व मोटार पाहाताना दिसत आहेत. गाडीचे छत फाडून त्यामधून झाड वर येणे हा एक दैवी चमत्कार असल्याच्या चर्चा रंगू लागल्या आहेत.
मात्र, या व्हिडिओमागील सत्य जाणून घेण्याचा प्रयत्न केल्यानंतर हे मोटारीच्या कंपनीनेच केल्याचे समजले. मोटारीमधील झाडामुळे कंपनी चर्चेत आली असून, मोठी जाहिरात झाली आहे. गाडीच्या छतामधून वर आलेले हे झाड म्हणजे एक कलाकृती आहे. रॉयल डिलक्स या थेअटर कंपनीने 8 नोव्हेंबर रोजी नट्स येथील बेलेवूमधील एका चौकात ही कलाकृती साकारली आहे. या कलाकृतीमध्ये गाडीचे छप्पर फाडून झाड वर आलेले दिसत आहे. दैवी चमत्कार नसल्याचेही म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.