वॉशिंग्टनः सोशल नेटवर्किंगसाठी प्रसिद्ध असलेल्या ट्विटरवर जगातील सर्वाधिक फेक फॉलोअर्स भारताचे पंतप्रधान नरेंद्र मोदी यांचे आहेत, असा दावा एका वृत्तवाहिनीने केला आहे.
जागतीक स्तरावर ट्विटरचे सर्वाधिक फॉलोअर्स असणाऱया टॉप तीनमध्ये कॅथॉलिक चर्चचे पोप फ्रान्सिस, अमेरिकेचे अध्यक्ष डोनाल्ड ट्रम्प व भारताचे पंतप्रधान नरेंद्र मोदी यांचा समावेश आहे. परंतु, यामध्ये फेक फॉलोअर्सची संख्या सर्वाधिक आहे. ट्विटरवर नरेंद्र मोदी यांचे 60 टक्के तर अमेरिकेचे अध्यक्ष डोनाल्ड ट्रम्प यांचे 37 टक्के फेक फॉलोअर्स आहेत, असे न्यूजलॉण्ड्री या वृत्तवाहिनीने म्हटले आहे.
ट्विटरवर ट्रम्प यांचे 47.9 मिलियन फॉलोअर्स असून, त्यापैकी 37 टक्के हे फेक फॉलोअर्स आहेत. नरेंद्र मोदी यांचे 40.3 मिलियन फॉलोअर्स असून, त्यापैकी 60 फॉलोअर्स हे फेक आहेत. पोप फ्रान्सिस यांचे 16.7 मिलियन फॉलोअर्स असून 59 टक्के फेक फॉलोअर्स आहेत, अशी माहिती ट्विटर ऑडिट.कॉम व ट्विप्लोमॅसीने दिली आहे. यामुळे ट्विटरवर जगातील सर्वाधिक फेक फॉलोअर्स भारताचे पंतप्रधान नरेंद्र मोदी यांचे आहेत.
भारतामध्ये मोदी यांच्यानंतर दिल्लीचे मुख्यमंत्री अरविंद केजरीवाल यांचे सर्वाधिक चाहते आहेत. परंतु, केजरीवाल यांचेही 51 टक्के फेक फॉलोअर्स आहेत. काँग्रेसचे अध्यक्ष राहुल गांधी यांचे सर्वाधिक 69 टक्के फेक फॉलोअर्स आहेत, अशी माहिती आऊटलूक केलेल्या सर्वेक्षणातून पुढे आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.