चीन : कोरोना विषाणू कुठून आणि कसा पसरला हे शोधण्यासाठी जागतिक आरोग्य संघटनेने 26 तज्ञांचा ग्रुप बनवला आहे. हा ग्रुप चीनमध्ये कोरोना विषाणूच्या पसरण्याचे मुळं शोधण्याचे काम करेल. जागतिक आरोग्य संघटनेच्या एका गटाने या वर्षाच्या सुरुवातीलाच चीनच्या वुहान शहरामध्ये चार आठवडे राहुन संशोधन केले होते मात्र त्यांच्या हाती काहीच लागले नाही. परंतु जागतिक आरोग्य संघटनेने कोरोना विषाणुचे मुळं शोधण्याचा हा शेवटचा प्रेयत्न असेल असं जागतिक आरोग्य संघटनेने सांगितले आहे त्यासाठी सुरवातीला कोरोना झालेल्या लोकांचा डेटा उपलब्ध करून द्यावा असं चीनला सांगण्यात आलं आहे.

चीनच्या वुहान शहरातील सन 2019 च्या माहितीवर आरोग्य संघटनेचा भर

जागतिक आरोग्य संघटनेच्या टेक्निकल टीमच्या प्रमुख मारिया वेन केरखोव यांनी चीन जागतिक आरोग्य संघटनेच्या टीमला मदत करेल अशी आशा व्यक्त केली आहे. तसेच कोरोना विषाणु जनावरां मधून माणसांमध्ये कसा प्रसारित झाला याचा शोध घेण्यासाठी जगभरातील 36 प्रस्तावित अभ्यासांचा आधार घेतला जाणार आहे. सन 2019 मध्ये चीनच्या वुहान शहरातील लोकांच्या अँटीबॉडीस टेस्टचा डेटा हा महत्वाचा आहे यातून कोरोना विषाणूचा उदय कसा झाला याची माहिती मिळण्यास मदत होईल.

संशोधनासाठी जागतिक आरोग्य संघटनेला वुहान लॅबमध्ये साठवलेल्या रक्ताच्या नमुन्यांचा तपशील हवा

एका विज्ञान पत्रिकेच्या संपादकीयमध्ये WHO ने आधीच सांगितले आहे की डिसेंबर 2019 पूर्वी चीनमध्ये कोरोनाच्या संशयित प्रकरणांची आणि पुष्टी झालेल्या प्रकरणांची तपशीलवार चौकशी करण्याची गरज आहे. यासाठी, 2019 पासून, वुहान लॅबमध्ये साठवलेल्या रक्ताचे नमुने आणि रुग्णालयांमध्ये मृत्यूच्या डेटाचे विश्लेषण केले पाहिजे. आरोग्य संघटनेने असेही म्हटले आहे की वुहानच्या परिसरात जिथे कोरोनाचा पहिला रुग्ण आढळला, तेथील प्रयोगशाळांची तपासणी केली पाहिजे.