नवी दिल्ली : दक्षिण आफ्रिकेच्या जोजिबिनी टूंजी हीने यंदाचा मिस युनिव्हर्सचा किताब जिंकला आहे. जोजिबिनीने जगभरातील 90 सौंदर्यवतींना पराभूत करत हा किताब पटकाविला आहे.
अमेरिकेतील ऍटलंटा येथे रविवारी 68वा मिस युनिव्हर्स सोहळा पार पडला. या सोहळ्यात 90 सौंदर्यवतींमध्ये ही स्पर्धा झाली, त्यामध्ये जोजिबिनीने बाजी मारली.
जोजिबीनीसह 20 सौंदर्यवतींनी सेमीफायनलमध्ये जागा पटकाविली होती. यामध्ये भारताच्या वर्तिका सिंहचाही समावेश होता. मात्र ती टॉप 10 मध्ये आपले स्थान पक्के करु न शक्याने स्पर्धेतून बाहेर पडली. कोलंबिया, फ्रान्स, आईसलॅंड, इंडोनेशिया, मेक्सिको, पेरु, पुएर्टो रिको, दक्षिण आफ्रिका, थायलंड आणि युनायटेड स्टेट्सच्या सौंदर्यवतींनी टॉप 10 मध्ये स्थान मिळविले होते.
गतवर्षीची मिस युनिव्हर्स कॅटरिना ग्रे हिने निकाल घोषित केला. कार्यक्रमाच्या सुरवातीला प्रत्येकाने आपल्या देशाचे प्रतिनिधित्व करत पारंपारिक पोशाख घालायचा होता. त्यावेळी वर्तिक सिंहने लाल रंगाचा घागरा घालून सर्वांची मनं जिंकली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.