पणजी : गोवा विधानसभा निवडणुकांचे बिगुल वाजले असून प्रत्येक पक्षाने आपापल्या पद्धतीने प्रचाराला सुरुवात केली आहे. त्याचबरोबर या निवडणुकांत आपल्याला भाजपा (BJP) आणि कॉंग्रेसमध्ये (Congress) चुरशीची लढाई पहायला मिलणार आहे. आपल्या उमेदवारांचे आणि कार्यकर्त्यांचे मनोबल वाढवण्यासाठी कॉंग्रेसचे राहूल गांधी (Rahul Gandhi) यांनी ४ फेब्रुवारीला गोवा दौरा केला होता. (Goa Assembly Election Updates)

तसेच आता नेत्या प्रियांका गांधी ह्या गोवा दौऱ्यावर आहेत. दक्षिण गोव्यात नुवेम येथील सभेत त्या बोलत होत्या. त्यावेळी त्यांनी बोलताना '' गोव्याच्या निवडणुका या फक्त राजकीय पक्षांसाठी मर्यादित नसून त्या गोव्याच्या भवितव्यासाठी खूप महत्त्वाच्या आहेत. हे राज्य अनेक गोष्टींच्या संसाधनांसाठी, नैसर्गिक साधनसंपत्ती, सौंदर्य, आणि कलेसाठी समृद्ध आहे. पण सध्या बेरोजगारीत या राज्याचा देशात दुसरा नंबर लागतो.'' असं म्हणत त्यांनी भाजपा वर खोचक टीका केली आहे.

दरम्यान राहूल गांधी यांनी ४ तारखेला सभा आणि रॅली घेऊन कार्यकर्त्यांचे मनोबल वाढवले आहे. गोवा फॉरवर्ड पार्टी आणि कॉंग्रेसची गोव्यात युती असून कॉंग्रेसचे ३७ आणि गोवा फॉरवर्ड पक्षाचे ३ उमेदवार रिंगणात आहेत. १४ फेब्रुवारीला मतदान होणार असून १० मार्च रोजी निवडणुकांचे निकाल जाहीर होणार आहेत.