नागपूर : वांग्यांमध्ये अनेक पोषक तत्व असतात. वांगी खाल्ल्याने आपले आरोग्य देखील चांगले राहते. यामध्ये क, के आणि बी6 सारखे जीवनसत्व आणि पोटॅशिअम, मॅग्नीज, फायबर देखील मोठ्या प्रमाणात असते. तसेच वांग्यांच्या झाडाची पाने ही अनेक जखमी भरण्यासाठी देखील वापरले जातात. उन्हाळ्यामध्ये वांग्यांचे मोठ्या प्रमाणात सेवन केले जाते. मात्र, तुम्हाला वांग्यांच्या फायद्यांबद्दल माहिती आहे का?

पचनक्षमता सुधारण्यास मदत -
वांग्यामध्ये पाण्यासोबत फायबर मोठ्या प्रमात असतात. तसेच यामध्ये असणारे अँटीऑक्सीडडंट्स आतड्यांवर आलेली सूजन कमी करण्याचे काम करतात. तसेच बद्धकोष्ठतेपासून देखील आराम मिळतो. एकंदरीतच पाचनशक्ती सुधारण्याचे काम वांगी करतात. 

हेही वाचा - आता यांना कोण सांगणार? कोरोना काळातही लग्नाला हजारो पाहुणे

हृदय ठणठणीत ठेवण्यासाठी मदत - 
वांग्यांमध्ये असणारे अँथोसायनिनमुळे हृदयाचे कार्य चांगल्याप्रकारे पार पडण्यास मदत होते. तसेच घाणरेडे कोलेस्ट्रॉल कमी करून 'एचडीएल कोलेस्ट्रॉल' कमी करण्यास मदत करतात.

वजन कमी करण्यासाठी उपयुक्त -
वांग्यांमध्ये कार्बोहायड्रेट आणि कॅलरीचे प्रमाण कमी असते. तसेच वजन कमी करण्यासाठी तुम्ही डायट प्लॅन घेतला असेल तर त्यामध्येही वांग्यांचा समावेश असतो. तसेच वांग्यांमध्ये असणारे सॅपोनिन हे शरीरात जमणाऱ्या फॅट्सविरो करून तुमचे शरीर सुदृढ ठेवण्याचा प्रयत्न करतात.

हिमोग्लोबीन वाढण्यास मदत -
अॅनिमियावर उपचार करायचे असेल तर वांग्यांचे सेवन सर्वात गुणकारी मानले जाते. यामध्ये थायमिन, नियासीन, तांबा, फायबर, फोलिक अॅसिड, विटामीन सी, के आणि बी6 असते. याचसोबत पोटॅशिअम, मॅग्नीज सारखे पोषक तत्व असतात. त्यामुळे हिमोग्लोबीन वाढण्यास मदत होते.

हाडांचं आरोग्य सुधारते -
वांग्यांमध्ये फेनोलिक तत्व असतात. त्यामुळे हाड मजबूत होतात. तसेच यामध्ये लोह आणि कॅल्शिअम देखील असते. त्यामुळे वांग्यांचे सेवन करणे हाडांसाठी लाभदायक ठरते. 

हेही वाचा - लसीकरण करणाऱ्या परिचारिका प्रशिक्षित नाहीत,...

मानसिक आरोग्य राखण्यासाठी -
वांग्यांमध्ये फाइटोन्यट्रिएंट्स आणि पोटॅशिअम असते. त्यामुळे मेंदूला ऑक्सीजनचा पुरवठा होतो की नाही याबाबत माहिती मिळते. यामुळे रक्तवाहिन्यांमधील ब्लॉकेज देखील दूर होतात. रक्ताचं योग्य वहन झाल्यामुळे मानसिक आरोग्य राखण्यास मदत होते.

कँसरला हरविण्यात उपयुक्त -
अँटीऑक्सिडेंट, अँथोसायनिन हे तत्व वांग्यांमध्ये असतात. त्यामुळे कँसर होण्याचा धोका टळतो. तसेच कँसर पेशींचा विकास होण्यापासून रोखण्यात हे तत्व महत्वपूर्ण भूमिका बजावतात. यासोबतच सोलासोडाइन रग्मोसिल ग्लाइकोसाइड्स हे तत्व वांग्यांच्या बाह्य आवरणामध्ये असतात. त्यामुळे कँसरच्या पेशी समूळ नष्ट करण्यास मदत होते. 

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे)