अनियमित सुरु असलेला आहार आणि चुकीच्या लाइफस्टाइलमुळे (Lifestyle) अनेक वेळा लोक लठ्ठपणाला बळी पडतात. पोट आणि कंबरेच्या आसपासची चरबी जेवढी वेगाने वाढते, तेवढी ती कमी करणं कठीण जातं. तुम्हालाही वजन आणि चरबी कमी करायची असेल तर ही बातमी तुम्हाला मदत करू शकते. तुम्हाला हे जाणून आश्चर्य वाटेल की वजन आणि पोटाची चरबी कमी करण्यासाठी सायकलिंग करणे हे जिममध्ये तासन्तास घाम गाळून व्यायाम करण्याइतकेच फायदेशीर आहे, कारण सायकलिंगमुळे चयापचय दर वाढतो, स्नायू मजबूत होतात आणि शरीरातील चरबी कमी होते.

सायकलिंगमुळे कॅलरी बर्न होतील

एका संशोधनानुसार, वजन कमी करण्यासाठी, आपण व्यायामाद्वारे आठवड्यातून किमान दोन हजार कॅलरी बर्न केल्या पाहिजेत आणि आपल्याला हे जाणून आश्चर्य वाटेल की स्थिर आणि नियमित सायकलिंग केल्यामुळे दर तासाला 300 कॅलरी बर्न होतात. अशा परिस्थितीत तुम्ही जेवढी सायकल चालवता तेवढे तुमच्या कॅलरीज बर्न होतील आणि शरीरातून चरबी कमी होईल, पण त्यासाठी सायकलिंगबरोबरच सकस आहार घेत राहणे अत्यंत गरजेचे आहे.

रूटीनमध्ये अशा प्रकारे करा सायकलिंगचा समावेश, मिळेल जबरदस्त फायदे

- तुम्हाला घरातील सामान घेण्यासाठी बाजारात जावे लागत असेल किंवा ऑफिसला जायचे असेल किंवा शाळेत जायचे असेल तर सायकलचा वापर करा.

- कॅलरी बर्न करण्यासाठी मदत करण्यासोबतच सायकलिंग केल्यास अनेक प्रकारचे गंभीर आजार टाळता येऊ शकतात.

- सायकल चालवून हृदयाशी संबंधित आजार, स्ट्रोक, मधुमेह, नैराश्य यापासून बचाव करता येतो.

- सायकलिंग हा एक लो-इम्पॅक्ट एक्सरसाइज आहे ज्याचा आनंद सर्व वयोगटातील लोक घेऊ शकतात.

- सायकलिंगमुळे नैराश्य, तणाव आणि चिंता यासारख्या मानसिक आरोग्याचे आजार कमी होऊ शकतात.

दररोज किती सायकल चालवायला हवी?

सायकल चालविणे ही केवळ एक मजेदार एक्टिव्हिटी नाही, तर आपल्या मसल्स टोन करणे, आपली हाडे मजबूत करणे आणि वजन कमी करणे देखील हा एक चांगला व्यायाम आहे. बऱ्याच अभ्यासांमधून असे दिसून येते की दिवसातून एक तास सायकल चालवल्यास 300 कॅलरी बर्न होऊ शकतात. आरोग्य तज्ञ दररोज 30 ते 60 मिनिटे सायकल चालवण्यासाठी सांगतात.