तुमच्या शरीराचे संतुलन योग्य राखण्यासाठी हाडं मजबूत ठेवणे गरजेचे असते. लहानपणापासूनच त्यासाठी योग्य काळजी घेतली तर ही काळजी घेणे शक्य होते. पौष्टीक, संतुलित आहार घेणे, हे त्यापैकीच. केल्शिअम, व्हीटामिन डीचे सेवन करणे हे फायद्याचे ठरते, असे मानले जाते. पण त्याव्यतिरिक्तही इतर अनेक पोषक घटकांचे दररोज सेवन करणे हेही फायद्याचे ठरते. हे सांगणारा एक व्हिडिओ आहारतज्ज्ञ लवनीत बात्रा यांनी नुकताच इंन्स्टाग्रामवर शेअर केला. त्यात त्यांनी पोषकतत्वांची यादीच दिली आहे.

बात्रा यांच्या यादीनुसार, केल्शिअम, व्हीटामिन यांच्याबरोबरीने योग्य प्रमाणात व्हीटामीन के, मेग्नेशिअम, झिंक, ओमेगा ३, प्रोटीन ए आणि सी या पोषक घटकांचे सेवन करणे हाडं मजबूत राखण्यासाठी फायद्याचे ठरते. तुमच्या आहारात भरपूर भाज्यांचा समावेश असणे गरजेचे आहे. या भाज्या खाल्याने तुम्हाला मुबलक प्रमाणात व्हिटामिन ए आणि सी मिळू शकते. व्हिटामिन सी घेतल्याने हाडं ठिसूळ होत नाहीत.

त्याचप्रमाणे नियमित व्यायाम केल्याने हाड आणि स्नायू मजबूत राखण्यास मदत होते. आठवड्यातून ३ ते ४ वेळा शक्ती वाढविण्यासाठी वेळ द्या. जर तुम्ही दिवसातला १५-२० मिनिटांचा वेळ दिलात तरी चालेल. मात्र जड वजन उचलण्याची अजिबात गरज नाही. हाय प्रोटिन घेणे टाळा. त्यांनी तुनच्या शरीरातील केल्शिअमची क्षमता कमी होते. जर तुनच्या शरीराला हाय प्रोटिन घेणे गरजेचे नसेल, तर ते घेऊ नका. जर तुम्ही १०० ग्रेमपेक्षा जास्त प्रोटीन घेतले तर तुमच्या शरीराला केल्शिअमची गरज लागेल.