आध्यात्मिक प्रक्रियेची मूलभूत गोष्ट एवढीच आहे, तुम्ही इथे असे जगता जणूकाही फक्त तुम्ही एकटेच अस्तित्वात आहात. दुसरं कोणीच नाही फक्त तुम्ही. कारण प्रत्येकाला तुम्ही तुमचाच एक अविभाज्य अंग म्हणून पाहता आणि म्हणून काहीच समस्या नाही. लोकं मला विचारतात, ‘सद्‍गुरू, तुम्ही जिथे कुठे जाता, मग तिथे दहा हजार किंवा लाखभर लोकं असोत, सगळ्यांशी तुम्ही कसा काय संवाद साधता?’ बरं, मी त्यांच्याशी असे बोलतो जणूकाही मी स्वतःशीच बोलत असेन. मला तशी सवय असती तर? 

देशभरातील इतर बातम्या वाचण्यासाठी येथे क्लिक करा

तिथे ‘मी’ किंवा ‘तुम्ही’ असं काही नाहीये. असं म्हणून मी शब्दांची करामत किंवा प्रवचन देत नाही आहे. मी फक्त सहज बोलत आहे, जणू काही मी स्वतःशीच बोलतो आहे, कारण मला माझ्याशिवाय इतर कोणीच दिसत नाही. आध्यात्मिक प्रक्रियेचा अर्थच मुळात असा आहे की; काही ना काही मार्गाने, तुमच्या अनुभवात, तुम्ही सर्वांना तुमच्या आत सामावून घेतलं आहे. तुलना आणि स्पर्धा तुमच्या आयुष्यातून आता नाहीशा झाल्यात. नाहीतर सुरुवातीला जी एक साधी तुलना म्हणून सुरवात होते, कालांतराने तीच एका स्पर्धेमध्ये रूपांतरित होते आणि नंतर ती फार कुरूप होते. तुलना आणि स्पर्धा असते, तिथं सुंदर आणि आनंदी वातावरणही कुरूप होतं. आनंद हा तुमच्या जीवनातला महत्त्वाचा पैलू आहे. आनंद म्हणजे तुमच्या अस्तित्वाचा तुमचा अनुभव विलक्षण आहे. 

जगभरातील इतर बातम्या वाचण्यासाठी येथे क्लिक करा

तुम्ही सर्वसमावेशक असल्यावर तुमच्या अस्तित्वाचा तुमचा अनुभव सुंदर बनतो आणि म्हणूनच तुम्ही आनंदी आहात. कुणीतरी मला स्वयंपाकाबद्दल प्रश्‍न विचारला, ‘छान स्वयंपाक करून मी कुणाला आनंदी करू शकेन का?’ हे पाहा, आता मी आनंदी आहे कारण मी सर्वोत्तम डोसा बनवतो म्हणून नाही किंवा मी इतरांपेक्षा चांगला डोसा बनवतो म्हणून नाही किंवा तुम्ही बनवलेला सर्वोत्तम स्वयंपाक खाऊन मी अधिक आनंदी होणार नाही. अगदी तुमच्या उपाहारगृहात येण्याआधीच मी खूप आनंदी असेन. तुम्ही काही चांगलं बनवलंत, तर मी ते आनंदानं खाईन. तुम्ही काही खराब बनवलंत, ते सुद्धा अतिशय आनंदानं मी ते बाजूला सारीन. तुमच्या चांगल्या स्वयंपाकामुळं किंवा खराब स्वयंपाकामुळं तुम्ही मला आनंद देऊ शकत नाही किंवा माझा आनंद हिरावू शकत नाही. मला तुम्ही आणि जगातील प्रत्येकानं असं व्हावं अशी माझी इच्छा आहे, की तुमच्या आत काय घडतं हे दुसरं कोणीही ठरवू शकत नाही. 

ताज्या बातम्यांसाठी डाऊनलोड करा ई-सकाळचे ऍप