मुंबई : प्रत्येक रंगाकडे पाहून आपल्या मूडवर वेगवेगळे परिणाम होत असतात. म्हणूनच आपण रांगांमागील मानसशात्र जाणून घेण्याचा प्रयन्त करणार आहोत. या सीसीरिजमध्ये आपण वेगवेगळे रंग आणि त्यामागील विविध रंजक गोष्टी जाणून घेण्याचा प्रयत्न करणार आहोत. आजच्या लेखातील रंग आहे नारंगी किंवा केशरी. तुम्हाला केशरी रंगाकडे पाहून कसं वाटतं ? नारंगी किंवा केशरी रंग हा खूपच स्ट्रॉग आणि उत्साहवर्धक रंग आहे. लाल किंवा पिवळ्या रंगाप्रमाणे नारंगी किंवा केशरी रंग हा लक्ष वेधक असा रंग असल्याने बहुतेक जाहिरातींमध्ये या रंगांचा वापर होतो. 

अनेकजण जेंव्हा केशरी किंवा नारंगी रंगाबाबत बोलतात तेंव्हा ते या रंगाचं वर्णन तेजस्वी, आनंद देणारा किंवा पॉझिटिव्ह वाईब्स आणणारा रंग, असा करतात. तर काही जणांना हा रंग जरा जास्तच ब्राईट जाणवतो. रंगांबाबत आणि त्यामागील मानसशास्त्र जाणणारे तज्ज्ञ सांगतात की पर्पल रंगाप्रमाणे केशरी हा रंग काहीसा विवादास्पद रंग आहे. एकतर लोकांना हा रंग खूप आवडतो किंवा लोकं त्याचा तिरस्कार करतात.

महत्त्वाची बातमी : राज्यातील चार जिल्ह्यात सक्रिय रुग्णांची संख्या अधिक, ठाण्यापाठोपाठ पुणे, मुंबई आणि नागपूर मध्ये अधिक सक्रिय रुग्ण 

नारंगी किंवा केशरी रंगाबाबतची ठळक वैशिठ्ये :

• नारंगी किंवा केशरी रंग म्हणजे पिवळा आणि लाल रंगाचे मिश्रण आणि म्हणूनच हा आपला उत्साह वाढवणारा रंग मानला जातो.
• केशरी किंवा नारंगी रंगाकडे पाहिल्याने मनात उत्साह निर्माण होतो तसेच प्रेमळपणा देखील वाटतो 
• केशरी किंवा नारंगी रंगाचा वापर अनेक जाहिरातींमध्ये केला जातो. लोकांना आकर्षित करणारा रंग असल्याने अनेक कंपन्या असं करतात 
• नारंगी किंवा केशरी रंग हा उत्साहवर्धक असल्याने विविध स्पोर्ट्स टीम्स नारंगी किंवा केशरी कपडे परिधान करणे पसंत करतात
• नारंगी रंग हा सूर्यास्ताचा किंवा ताज्या संत्र्यांचा असतो. म्हणून अनेकांच्या मनात या रंगाकडे पाहून अनेकांचा मनात सातत्याचा ताजेपणा किंवा सूर्यास्ताचा रंग म्हणून छबी आहे. 
• निसर्गात नारंगी किंवा केशरी रंगाचा जसा वापर होतो त्यामुळे या रंगाबाबत आपल्या मनात त्याबाबतचं वेगळं मत निर्माण होतं. एखाद्या संध्याकाळी आकाशात नारंगी रंग पसरला असताना कुणी आपल्या कुटुंबासोबत चांगला वेळ घालवत असेल तर त्या कुटुंबाच्या मनात एकमेकांबाबत आपलेपणा, आपुलकी उत्साह वाढण्यास मदत होते.
• हा रंग मनातील पॉझिटिव्हिटी वाढून आपलेपणाचे भावनाही निर्माण होते.

मुंबईतील महत्त्वाच्या बातम्या वाचण्यासाठी इथे क्लिक करा   

orange color psychology and its effect on human mind and body