Successful cancer surgery at AIIMS Nagpur: नागपुरातील अखिल भारतीय आर्युविज्ञान संस्थेत (एम्स) एका ४८ वर्षीय महिलेच्या ओटीपोटीतील कर्करोगांवर दुर्मिळ शस्त्रक्रिया करून या महिलेचा जीव वाचविण्यात डॉक्टरांना यश आहे. एम्समधील ऑन्कोलॉजी सर्जरी विभागाने ओटीपोटीतील ट्यूमर अर्थात सायटोरेडक्टिव शस्त्रक्रिया करून काढले.

त्यानंतर हायपरथर्मिक इंट्रापेरिटोनियल केमोथेरपी देण्याची यशस्वी उपचार करण्यात आले. साहाय्यक प्राध्यापक डॉ. नीलेश श्रीवास्तव यांच्या मार्गदर्शनात ही शस्त्रक्रिया करण्यात आली.

ही महिला सहा महिन्यांपूर्वी पोटदुखीच्या आजार घेऊन एम्समध्ये आली होती. यावेळी विविध चाचण्या करण्यात आल्या. महिलेस ओटीपोटीतील कर्करोग अर्थात स्यूडोमायक्सोमा पेरिटोनी, पेरिटोनियल पोकळीत पसरलेल्या म्यूसिनस ट्यूमर असल्याचे निदान झाले.

बधिरीकरण तज्ज्ञ डॉ. रिधिमा शर्मा यांच्या पथकाने इंट्राऑपरेटिव्हच्या सहाय्याने ही शस्त्रक्रिया यशस्वीरित्या पार पाडली. यानंतर सर्जिकल इंटेन्सिव्ह केअर युनिटमध्ये दाखल केले. सध्या महिलेची प्रकृती बरी झाली असून नुकतेच तिला सुटी देण्यात आली. एम्स नागपूरचे कार्यकारी संचालक डॉ. प्रशांत जोशी यांनी वैद्यकीय पथकाचे कौतुक केले. तर एम्स नागपूरमध्ये प्रगत सर्जिकल ऑन्कोलॉजी प्रक्रियेचा लाभ गरिबांना होत असल्याबद्दल समाधान व्यक्त केले.