Anxiety disorders Sollution Tips : माणसांना वेगवेगळ्या पातळीवर वेगवेगळ्या चिंता सतत असतात. दिवसेंदिवस हे प्रमाण वाढत आहे. समस्येची सुरूवात गंभीर वाटत नसली तरी यावर वेळीच उपाय करण आवश्यक असल्याचं तज्ज्ञ सांगतात.

अशावेळी आपण आपल्या पातळीवर हे ताण, चिंता दूर करण्याचा प्रयत्न करायला हवा. यासाठी सर्वात आधी यामुळे त्रासून जाण्याऐवजी त्याचा स्वीकार करून उपाय योजावे. यावर प्रभावी उपाय म्हणजे आपली श्वस घेण्याची पध्दत आणि त्यावर नियंत्रण हे आहे.

भारतीय योग पध्दतीचं महत्व परदेशातही पटलं आहे. श्वास घेणं आणि सोडणं या व्यतिरीक्त श्वास धरून ठेवणं (कुंभक) यालाही महत्व आहे.

कसा करावा हा प्रणायाम?

• एक मोठा श्वास घ्यावा. नंतर हाताने नाक बंद करत ५ सेकंद श्वास आत धरून ठेवायचा मग सोडावा.

• नंतर पुन्हा श्वास घ्या, ३ सेकंद कुंभक करा मग ६ सेकंदात हळू हळू सोडा.

• असं दिवसातून ३ वेळा करावं.

याचे फायदे

• शरीरातला कार्बन डायऑक्साईड योग्य पध्दतीने बाहेर पडतो.

• शरीराला आराम मिळतो.

• छातीचे ठोके संथ गतीने चालण्याचा मेंदू कडून हृदयाला संदेश दिला जातो.

डोळ्यांचा आणि मोनेचा व्यायाम

मांडी घालून ताठ बसावं. डोकं हलवल्याशिवाय फक्त डोळ्यांनी डावीकडे, उजवीकडे बघावं. मग डोकं त्या दिनेशे झुकवत ३० ते ६० सेकंद त्याच स्थितीत रहावं. मग दुसऱ्या बाजूने तसंच करावं.

५-५-५ फॉर्मुल्याने कमी होतो ताण

आजूबाजूला दिसणाऱ्या ५ गोष्टींचे नाव आठवा. मग आजूबाजूला होत असलेले ५ आवाजांना लक्षपूर्वक ऐका. शरीराचे पाच अवयव किंवा भाग हलवा. उदा. हात मनगटातून फिरवा. मान खालीवर करा. कान पिरगळा अशा हालचालींनी शरीराला आमि मनाला आराम मिळतो.