आपण आतापर्यंत ब्लॅक टी, ग्रीन टी, लेमन टी यासह विविध प्रकारच्या चहांची चव घेतली आहे. शरीराला यातून मिळणारे फायदेही आपण पाहिले तसेच अनेकांनी अनुभवलेही असतील. विशेषत: कारोना काळात अनेकांनी रोगप्रतिकाशक्ती वाढविण्यासाठी विविध काढेदेखील घेतले.

पण आज आपण अशा चहाबद्दल चर्चा करणार आहोत ज्यातून एक नव्हे तर अनेक फायदे शरीराला होतील. लवंगपासून तयार केलेल्या चहापासून शरीराला अनेक चमत्कारीत फायदे होतात. हिवाळ्यातील सर्दी- खोकल्यापासून ते अगदी वजन कमी करण्यापर्यंत अनेक फायदे लवंग चहाचे आहेत. 

लवंग दिसायला अगदी छोटीशी असली तरी त्याचे औषधी गुणधर्म खूप आहेत. अनेक आजार आहेत ज्यावर औषध म्हणून आयुर्वेदात घरगुती पदार्थ मग त्यात मसाले असो किंवा इतर अन्नपदार्थ यांचा रामबाण उपाय म्हणून वापर सांगण्यात आला आहे. 

आज आपण लवंग चहा कसा तयार करायचा याची रेसिपी घेऊन आलो आहोत. लवंगाच्या चहाचे सेवन केल्याने सर्दी-खोकला, घसा खवखवणे आणि नाक बंद होण्यासारख्या समस्यांपासून आराम मिळतो. याशिवाय पोटदुखी आणि मळमळ यासारख्या समस्यांवरही लवंग उपयुक्त ठरत आहे.

लागणारे साहित्य:

तिन लवंगा

एक कप पाणी

मध

तुळशीचे पान

कृती:

लवंग चहा बनवण्यासाठी एका पॅनमध्ये एक कप पाणी घाला.

मग त्यात लवंग टाकून नीट उकळा.

यानंतर तुळशीचे पाने घालून किमान 3-5 मिनिटे शिजवा आणि गॅस बंद करा.

नंतर तयार चहा एका कपमध्ये गाळून घ्या.

आपण आपल्या चवीनुसार मध देखील घालू शकता.

आता तुमचा गरमागरम लवंग चहा तयार आहे.