Diwali Faral : दिवाळी हा आनंदोत्सवाचा सण. विविध गोड पदार्थ खाण्याची विशेष मौज या काळात असते. मात्र याच काळात आपल्या आरोग्याचीही काळजी घेणे गरजेचे आहे. दिवाळीत पारंपरिक पद्धतीने मिठाई घरी तयार करण्याऐवजी बाहरून मागविण्याचे प्रमाण वाढले आहे. पण हे पपद्रमाण कमी करून दिवाळीला गोड खारे पदार्थ घरीच तयार करावे. आणि विशेष म्हणजे हे पदार्थ खाताना वेळा पाळल्यास यातून आनंदही मिळेल आणि सोबतच आरोग्यही राखता येईल, असा सल्ला आहारतज्ज्ञ देतात. tips

पदार्थ खाताना असे असावे वेळापत्रक

शक्करपाळ्यासारखा पदार्थ सकाळी नाश्त्याच्या वेळी तसेच सकाळी ११ वाजता किंवा ४ च्या चहाच्या वेळी खाऊ शकता. लाडू किंवा बर्फीसारखे गोड पदार्थही सकाळी खाण चांगले. खीर किंवा हलवा यांसारखे पदार्थ दुपारच्या किंवा रात्रीच्या जेवणात खायला हवेत. दिवाळीच्या काळात एक ताजे स्वीट आणि मधल्या वेळेत खाल्ला जाणारा एक फराळाचा पदार्थ असे दोन भाग करा.

आरोग्यदायी गोड पदार्थ

कणकीचा, पोह्याचा, नाचणीचा व बेसन-रवा लाडू हे रुचकर व पौष्टिकही आहेत. सुक्या मेव्याचे लाडू तयार करताना साखरेऐवजी खजूर वापरावे. मिठाईत अंजीर, सुकामेवा, खजूर, मनुका वापरावा. गुळाचा वापर चांगला उपाय आहे. गोड शक्कर पाळे करताना मैदाऐवजी कणिक, गूळ, तांदळाचे पीठ यांचा वापर करा. करंजी करताना रवा आणि तांदळाचे पीठ वापरा.

खारे पदार्थ असतात आरोग्यदायी

चकली पौष्टिक असते. ती तयार करताना त्यात चन्ना डाळ, मूग डाळ, उडिद, तांदूळ, ज्वारीचा वापर करावा. भरडधान्य असलेल्या मूग, ज्वारी, बाजरी आणि नाचणीचा वापर करून खुसखुशीत चकली तयार करावी.