Signs Of Lung Damage : बरेचदा आपण फार काम केलं की थकवा जाणवतो. मात्र तुम्हाला अगदी पायऱ्या चढतानाही थकवा जाणवत असेल तर तुम्ही त्याकडे दुर्लक्ष करून चालणार नाही. बऱ्याच लोकांना पायी चालणे, पायऱ्या चढणे यांसारख्या साध्या सोप्या हालचाली करूनसुद्धा थकवा जाणवतो. ही लक्षणे एखाद्या गंभीर आजाराचीही असू शकतात. तेव्हा याकडे दुर्लक्ष करून चालणार नाही. वेळीच डॉक्टरांशी संपर्क साधा.

श्वास फुलून येणे किंवा फार दम लागणे ही लक्षणं दिसल्यास तुमच्या फुफ्फुसांच्या आरोग्यात बिघाड झाल्याचे कळते. तुम्ही वेळीच डॉक्टरांशी संपर्क साधल्यास यावर निदान शक्य आहे.

हेल्थडायरेक्टच्या मते, फुफ्फुसांचा आजार, हृदयाचा आजार, इन्फेक्शन, पॅनिक अटॅक आणि फुफ्फुसांच्या नसांत ब्लॉकेड असल्यास तुम्हाला श्वास घेण्यास त्रास होतो. खोकला, घाबरल्यासारखे वाटणे, छातीचे दुखणे, शिंका येणे, नाक बुजणे, गळ्यात दुखणे यांसारखीही लक्षणं तुम्हाला दिसून येतील. ही लक्षणं हलक्यात घेऊ नका, वेळीच डॉक्टरांना दाखवा. (Health)

वातावरणात बदल झाल्यास व्हा सावध

हवामान बदलले की श्वसनाचे आजार गंभीर होतात. यावेळी विषाणू आणि बॅक्टेरियाचा धोका वाढतो, ज्यामुळे तुमच्या विंडपाइपमध्ये जळजळ होऊ शकते. तेव्हा वातावरणात बदल झाल्यास आरोग्य जपा. (Lungs)

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.