Health Tips : उन्हाळ्याच्या तुलनेत हिवाळ्यात घसा जास्त सुखतो. कारण हिवाळ्यात थंडीमुळे घामही कमी येतो आणि तहानही कमी लागते. त्यामुळे वारंवार घसा कोरडा पडतो. मात्र ही समस्या तुम्हाला दीर्घकाळ उद्भवत असेल तर हे तुमच्या आरोग्यासाठी गंभीर ठरू शकते.

जर वारंवार तोंड कोरडे पडत असेल आणि तहान लागत असेल तर यावेळी ही रक्तातील साखर वाढण्याची लक्षणे असू शकतात. अशा स्थितीत सतर्क राहण्याची गरज आहे. कारण उच्च रक्तातील साखरेला हायपरग्लाइसेमिया देखील म्हणतात. (Health News)

लक्षणे

हाय ब्लडशुगरची समस्या झाल्यास तोंड कोरडे पडणे आणि वारंवार तहान लागणे.

• शरीरातील शुगर लेव्हल वाढणे

• सारखे लघवीला जाणे

जेव्हा डॉक्टर मधुमेहावर उपचार करतात तेव्हा रक्तातील साखर नियंत्रित ठेवणे हाच त्यामागचा उद्देश असतो. पण अनेक वेळा रक्तातील साखरेचे प्रमाण सारखेच असते. अशावेळी हायपरग्लाइसेमिया योग्य त्यावेळी ओळखणे अधिक गरजेचे असते.

काहीवेळा उच्च रक्तातील साखर हा फारसा चिंतेचा विषय नसतो, परंतु जेव्हा यामुळे तुमच्या शरीरात समस्या निर्माण होतात तेव्हा ते आरोग्यासाठी धोकादायक असते. रक्तातील साखरेचे प्रमाण वाढल्याने अनेकांचे तोंड कोरडे पडते. त्यामुळे काही लोकांना वारंवार लघवीला जावे लागते. यासोबतच थकवा जाणवणे, वजन कमी, त्वचा संक्रमण, मूत्राशय संसर्ग असे अनेक आजार उदभवू शकतात. (Diabetes)