Hair Care : बॉलीवूडच्या सर्वात गोंडस अभिनेत्रींपैकी एक असलेल्या श्रद्धा कपूरसारखे हेल्दी, मुलायम आणि लांब केस मिळवण्यासाठी तरुणी वेगवेगळ्या ट्रिटमेंट घेत असतात. त्यासाठी तरुणी ब्युटी पार्लरमध्ये हेअर ट्रीटमेंट घेत केसांवर भरपूर पैसे खर्च करत असतात. मात्र तुम्हाला माहितीये काय? हेअर ट्रिटमेंट्सने तुमच्या केसांचं नुकसानही होऊ शकतं. आज आम्ही तुम्हाला श्रद्धासारखे स्मूथ व हेल्दी केसांसाठी काही उपाय सांगणार आहोत.

अॅवोकॅडो हे महागडे फळ असले तरी ते आरोग्यासाठी खूप फायदेशीर मानले जाते, तुम्ही ते सॅलेटच्या स्वरूपात खाऊ शकता. यामध्ये असलेले अँटिऑक्सिडंट्स आणि व्हिटॅमिन ई टाळूमध्ये असलेल्या छिद्रांना दुरुस्त करतात, ज्यामुळे केस वेगाने वाढू लागतात.

केळी हे एक अतिशय सामान्य फळ आहे जे केसांचे पोषण भरून काढण्यास फायदेशीर ठरते, कारण त्यात भरपूर पोटॅशियम असते. हे पोषण आणि मॉइश्चरायझ करणे सोपे करते. ते खाल्ल्याने फायदा होईलच पण तुम्ही हेअर मास्क बनवून डोक्याला लावू शकता.

चिया सिड्स खाण्याचे तसे तर अनेक फायदे आहेत पण ते खाल्ल्याने केसांना खूप फायदा होतो, केसांच्या मुळांना पोषण मिळते. यासोबतच केस गळण्याची समस्याही संपते.

गोजी बेरी हे एक स्वादिष्ट फळ आहे ज्यामध्ये व्हिटॅमिन ए, व्हिटॅमिन बी, व्हिटॅमिन सी, व्हिटॅमिन ई आणि अमीनो ऍसिड असतात. तसेच ते खाल्ल्याने फॉस्फरस, तांबे आणि लोह मिळते ज्यामुळे केसांची वाढ आणि पोषण होण्यास मदत होते. (Hair Care)

रताळे हे अतिशय पौष्टिक आहे, त्यात बीटा कॅरेटीन आढळते, जे केस निरोगी ठेवण्यास मदत करते. त्यामुळे टाळूमधील बंद छिद्रे उघडू लागतात, त्यामुळे केस वेगाने वाढू लागतात.

हे सुफरफुड्स तुमच्या डाएटमध्ये असल्यास तुमचे केसही दिसतील श्रद्धासारखे स्मूद आणि सिल्की.