Iron Deficiency : शरीरात लोहाच्या कमतरतेची प्रकरणे वेगाने वाढता आहेत. तरुणांना तर याचा त्रास होतो आहेच पण विशेषतः महिलांना या समस्येचा सर्वात जास्त फटका बसतो. शरीराच्या विकासासाठी लोह हे अत्यंत महत्त्वाचे खनिज आहे.

लोहाच्या कमतरतेमुळे स्त्रिया अॅनिमियाच्या देखील बळी ठरु शकतात. लोहाच्या कमतरतेकडे दुर्लक्ष करणे योग्य नाही, ते धोकादायक ठरु शकते. अनेक वेळा लोक लोहाच्या कमतरतेची लक्षणे ओळखू शकत नाहीत आणि परिस्थिती बिघडते. अशा स्थितीत शरीरातील लोहाच्या कमतरतेची लक्षणे ओळखणे अत्यंत आवश्यक आहे.

लोहाच्या कमतरतेची सामान्य लक्षणे

डॉक्टरांचा असा विश्वास आहे की लोह दैनंदिन जीवनात आवश्यक ऊर्जा प्रदान करते. तसेच, शरीर स्वतःहून लोह बनवू शकत नाही, ते अन्नातून मिळते. शरीरात योग्य प्रमाणात आयर्न नसेल तर महिलाही अॅनिमियाच्या बळी ठरु शकतात. याशिवाय त्याच्या कमतरतेमुळे वजन कमी होऊ लागते आणि तुम्ही पुन्हा पुन्हा आजारी पडू शकता.

हिमोग्लोबिनमध्ये लोह असते जे RBC ला ऑक्सिजन शरीराच्या वेगवेगळ्या भागांमध्ये वाहून नेण्यास मदत करते. गर्भवती महिलांना त्यांच्या बाळाच्या योग्य विकासासाठी भरपूर लोह आवश्यक असते. लोहाच्या कमतरतेमुळे गर्भवती आणि बाळ दोघांनाही समस्यांना सामोरे जावे लागते.

ही लक्षणे दिसल्यास सल्ला घ्या.

लोहाची कमतरता अशक्तपणामुळे त्रास होऊ शकतो. दीर्घकाळ उपचार न केल्यास ही स्थिती गंभीर होऊ शकते. म्हणूनच महिलांना खालील लक्षणे दिसल्यास त्यांनी ताबडतोब डॉक्टरांचा सल्ला घ्यावा.

- चक्कर येणे

- अशक्तपणा

- शरीरात थकवा

- भूक न लागणे

- हात-पाय थंड होणे