Marjaryasana Benefits cat yoga pose in yoga for health and laziness in morning

जर तुम्हाला दिवसभर उत्साही वाटत नसेल आणि शांत झोप येत नसेल तर व्यायाम करणे गरजेचे आहे. सकाळी व्यायाम केल्याने अनेक आरोग्यदायी फायदे मिळतात. तुमच्या निरोगी आरोग्यासाठी सकाळी 10 मिनिटं काढून योग केल्यास थकवा,आळस कमी होतो. यासाठी मार्जारासन करू शकता. चला तर मग जाणून घेऊया त्याचे फायदे आणि ते कसे करावे.

मार्जारासन कसा करावा

मार्जारासन करण्यासाठी सर्वात आधी सपाट जागेवर खाली सरळ बसावे. नंतर दोन्ही गुडघे पुढे नेऊन गुडघ्यांवर बसावे.

नंतर दोन्ही हात गुडघ्याच्या पुढे न्या आणि खाली टेकवा.

त्यानंतर दोन्ही हातांच्या मनगटांवर भार टाकत नितंबाचा भाग वर आणायचा प्रयत्न करा.

दोन्ही मांड्यावरच्या बाजूला नेत सरळ रेषेत आणण्याचा प्रयत्न करा.

या मुद्रेमध्ये तुमच्या छातीचा भाग जमिनिला समांतर असेल,समोरून पाहणाऱ्याला तुम्ही मांजरीच्या पोझमध्ये दिसाल.

नंतर मोठा श्वास घ्या आणि डोक्याचा भाग मागच्या बाजूला आणा. यानंतर पाठीचा कणाच्या शेवटचा भाग वर आणण्याचा प्रयत्न करा.

आता श्वास सोडताना डोके खाली नेऊन तोंडाखालच्या हनुवटीने छातीला स्पर्श करा.

मार्जारासन करण्याचे फायदे

पाठदुखी कमी

अनेक लोक लॅपटॉप किंवा कॉम्प्युटरवर जास्त वेळ काम करतात. अशा लोकांना मान आणि पाठदुखीचा त्रास होतो. हा योग केल्याने पाठदुखी कमी होते.

मन शांत राहते

हा योग केल्याने शरीर आणि मन दोन्ही शांत राहते. तसेच तुम्ही कामावर अधिक लक्ष केंद्रित करू शकता.

गंभीर आजार दूर राहतात

तुमचे शरीर आणि मन दोन्ही निरोगी राहतात. हा योग नियमित केल्यास अनेक प्रकारचे आजार दूर राहतात.

शरीराचे संतुलन

हा योग केल्याने शरीराचे संतुलन सुधारते आणि आसनाशी संबंधित कोणतीही समस्या उद्भवत नाही.

पाठीचा कणा

नियमितपणे सकाळी हा योग केल्याने पाठदुखीपासून आराम मिळतो आणि पाठीचा कणा मजबूत होतो.

तणाव कमी

मधल्या पाठीचा, पाठीचा खालचा भाग, मान आणि खांद्याचा त्रास निघून जातो. तसेच तणावही कमी होतो.

स्नायू मजबूत

यामुळे मुख्य स्नायू मजबूत होतात आणि शरीरात स्थिरता वाढते.

मनगट दुखी

हा योग केल्याने हात, खांदे आणि मनगट दुखण्यापासून आराम मिळतो.

पचनक्रिया

मार्जारासन केल्याने पचनक्रिया मजबूत होते. तसेच गुडघ्याचे सांधे दीर्घकाळ मजबूत राहतात.

चांगली झोप

हा योग केल्याने चांगली झोप येण्यास मदत होते आणि झोपताना ताण कमी होतो.