Mushroom Side Effects : मशरूममध्ये प्रथिने तसेच अनेक पोषक घटक असतात. परंतु, पौष्टिक फायदे मिळविण्यासाठी ते योग्य असलं पाहिजे. तसेच, मशरूम सगळ्यांनाच आवडतं म्हणून मोठ्या उत्साहात ते खाणाऱ्यांना त्याचे तोटे नक्कीच माहिती नाहीयेत.

जे लोक जंगली मशरूम खातात त्यांना गंभीर आजार होऊ शकतात? होय, संधिवात, ल्युपस, दमा यांसारख्या स्वयंप्रतिकार रोगांनी ग्रस्त असलेल्यांनी मशरूमचे सेवन न करण्याचा सल्ला डॉक्टर देतात. मशरूम हा बुरशीचा एक प्रकार आहे ज्यामध्ये क्लोरोफिल नसते.

खाण्यायोग्य मशरूम अतिशय स्वच्छ आणि पौष्टिक वातावरणात वाढतात. जगभरात विविध प्रकारचे मशरूम आहेत जे रंग, आकार, चव इत्यादींमध्ये एकमेकांपेक्षा भिन्न आहेत. मशरूममध्ये व्हिटॅमिन-डी आणि लोहही भरपूर प्रमाणात आढळते. यामुळेच डॉक्टर 'अॅनिमिक' लोकांना मशरूम खाण्याचा सल्ला देतात. (Mushroom Side Effects: From digestive problems to obesity)

मशरूममध्ये असलेले गुणधर्म

मशरूममध्ये व्हिटॅमिन सी, सेलेनियम, ग्लूटाथिओन आणि कोलीनसह विविध प्रकारचे अँटिऑक्सिडंट्स मुबलक प्रमाणात असतात. याव्यतिरिक्त, मशरूममध्ये पोषण असते ज्यामध्ये फायबर, व्हिटॅमिन डी आणि प्रथिने यांचा मोठा स्रोत असतो.

विविध प्रकारच्या मशरूममध्ये सूक्ष्म अन्नद्रव्ये मुबलक प्रमाणात असतात. ते लोह, फॉस्फरस, तांबे आणि पोटॅशियमचे उत्कृष्ट स्त्रोत आहेत. तांबे लोहाचा वापर आणि ऊर्जा निर्मितीमध्ये मदत करते.

जंगली मशरूममध्ये काही प्रमाणात विषारी पदार्थ असतात ज्यामुळे गंभीर आरोग्य समस्या उद्भवू शकतात. याव्यतिरिक्त, काही जंगली मशरूममध्ये जड धातूंसारख्या हानिकारक पदार्थांचे लक्षणीय प्रमाण असते. हे धोके टाळण्यासाठी विश्वासू शेतकरी अथवा विक्रेत्याकडूनच मशरूम खरेदी करावेत. (Mushroom)

मशरूम खाण्याचे तोटे

अशक्तपणा

काही लोकांना मशरूम खाल्ल्यानंतर अशक्तपणा जाणवू शकतो. एवढेच नाही तर यामुळे तुम्हाला अस्वस्थ आणि आळस आल्यासारखेही वाटू शकते. याचा बर्‍याच लोकांवर विपरीत परिणाम झाला आहे.

पचनाच्या समस्या

मशरूममध्ये साध्या कार्बचे प्रमाण जास्त असते, जे पचायला कठीण असते. हे कार्बोहायड्रेट्स न पचता मोठ्या आतड्यात जात असल्याने, ते आपल्या आतड्याच्या मायक्रोबायोटाद्वारे आंबवले जातात, ज्यामुळे काही लोकांमध्ये वायू तयार होतात आणि पाचन समस्या उद्भवतात.

त्वचेची ऍलर्जी

काही लोकांना मशरूमची ऍलर्जी असू शकते. जास्त प्रमाणात त्याचे सेवन केल्याने त्वचेवर पुरळ आणि जळजळ देखील होऊ शकते . काही लोकांना नाकातून रक्तस्त्राव, तोंडात कोरडेपणा, नाकात कोरडेपणा आणि इतर समस्या देखील असू शकतात. (Side Effects)

गर्भधारणेदरम्यान सेवन करू नका

अनेक स्तनपान करणा-या आणि गर्भवती महिलांना मशरूमचे सेवन न करण्याचा सल्ला दिला जातो. आतापर्यंत कोणतेही गंभीर दुष्परिणाम नोंदवले गेले नाहीत, परंतु मशरूम खाण्यापूर्वी, डॉक्टरांचा सल्ला घ्या.

वजन वाढू शकते

मशरूममध्ये ट्रिप्टामाइन्स असतात. यामध्ये अॅम्फेटामाइनसारखे कार्य करणारी आणि भूक वाढवणारी रसायने असतात. ज्यामुळे तुम्हाला सतत भूक लागू शकते आणि त्यामुळे तुमचे वजनही वाढू शकते .