Health Care: हाताची शोभा वाढवणारी नखं शोभा वाढवण्याव्यतिरिक्तही खूप काही दर्शवतात. आपली नखं केरॅटिनपासून बनली असतात. केरॅटिन हे प्रोटीन नखांबरोबर केसांसाठीही फार उपयुक्त आहे. शरीरात कुठलाही आजार उद्भवल्यास तुमच्या नखांचा रंग बदलायला सुरूवात होते. तुमची नखे युकृत, हृदय आणि फुफ्फुसांची स्थिती दर्शवते.

नखांचे हे रंग सांगतात तुमच्या आरोग्याची स्थिती

जर तुमच्या नखांचा रंग पिवळा झाला असेल तर ते शरीरातील कोलेस्ट्रॉल वाढण्याचे लक्षण असू शकते. याशिवाय फंगल इन्फेक्शन, थायरॉईड, सिरोसिसमुळेही नखे पिवळी पडू शकतात. जर तुमची नखं पिवळी पडून जाड होऊन खूप हळू वाढत असतील तर ते फुफ्फुसाच्या समस्येचं कारण असू शकतं.

नखांवर पांढरे डाग

अनेकांच्या नखांवर पांढरे डाग दिसून येतात. हळूहळू या डागांचा आकार वाढू लागतो. ही समस्या असल्यात ती गंभीर असून कावीळ किंवा लिव्हरशी संबंधित आजार तुम्हाला असू शकतात.

नखांचा निळा रंग

नखांचं निळं पडणं हे कर्करोगाचे लक्षण असू शकते. यात तुम्हाला सौम्य वेदना आणि नखे काळी होणे हा परिणाम दिसून येईल. अनेकदा इजा झाल्यानेही नखांखालील रक्तवाहिन्या फुटतात. आणि रक्त साचून काळवंडतात. (Health Care)

पांढरी नखे

जर तुमच्या नखांचा रंग खूप पांढरा असेल तर ते अशक्तपणा, हार्ट फेल्युअर, लिव्हर संबंधित आजार आणि कुपोषण इत्यादी लक्षणे असू शकतात. त्याचवेळी नखांवर पट्टे हे व्हिटॅमिन-बी, बी-12 आणि झिंकची कमतरता दर्शवते. जर तुमची नखे अर्धी पांढरी आणि अर्धी गुलाबी असेल तर ते शरीरात रक्ताच्या कमतरतेमुळे असू शकते.