Office Yoga : ऑफीसमध्ये एकाच जागी बसून ८-१० तास काम केल्याने पाठ, कंबर, मान, खांद्याची दुखणी अनेकांना लागतात. पण काही साधे सोपे व्यााम प्रकार केलेत तर तुम्हाला आराम मिळू शकतो. आणि कामाचा उत्साहसुद्धा वाढू शकतो.

आपण आज एक सोपा प्रकार पाहणार आहोत, त्याची दिवसातून ५-५ आवर्तने करणे खूप उपयोगी ठरेल. अनेक जणांची पाठ, कंबर दुखते किंवा पाठीला रग लागते, त्यांच्यासाठी हे आसन आवश्यक आहे.

असे करावे आसन

• प्रथम खुर्चीत ताठ बसावे.

• पायात साधारण खांद्याएवढे अंतर घ्यावे.

• त्यानंतर श्वास घ्यावा व श्वास सोडत एकदा डावीकडे व एकदा उजवीकडे वळावे. असे साधारण ५ वेळा करावे.

• किमान ५ वेळा करायला त्रास होत असल्यास एक-दोन वेळा नक्की करावे, मात्र ५ ते १० सेकंद या स्थितीमध्ये स्थिर राहावे. छायाचित्रात दाखविल्याप्रमाणे करण्याचा प्रयत्न करावा.

आसनाचा फायदा

• कंबर, पाठीचे स्नायू, शिरा मोकळ्या होतात. आखडत नाहीत. लवचिकता वाढते.

• मणका लवचिक होऊन सशक्त होतो.

• पोटाला पीळ बसल्याने पचनसंस्था, उत्सर्जनसंस्था, अंतःस्रावी ग्रंथी यांची कार्यक्षमता वाढते.

• पचनाच्या तक्रारी, बद्धकोष्ठता, अपचन या त्रासांवर परिणामकारक आहे.

• पोटावरील अतिरिक्त चरबी, तसेच वात कमी होतो.

• ताण कमी होतो.