Office Yoga : बऱ्याचदा तासन् तास एकाच जागी बसून काम केल्याने पाठ, कंबर मान, खांदे यावर ताण जाणवतो. तर कधी एकाच जागी बसून राहिल्याने उगाच थकवा, कंटाळा आणि आळसही जाणवतो. असं झालं की, कामाचा वेग कमी होतो. काम करण्याची इच्छा होत नाही आणि कार्यक्षमताही कमी होते.

पण हे काही व्यायाम आहेत, ज्यामुळे झटक्यात आळस दूर होईल आणि पुन्हा उत्साहाने तुम्ही कामाला लागाल. जाणून घेऊया.

असे करावे आसन

• खुर्चीत थोडे पुढे सरकून बसावे. (हा स्ट्रेच उभे राहूनही करता येतो)

• एक हात वर घेऊन कोपरात वाकवावा.

• दंड कानाला टेकलेला असावा.

• दुसरा हात बाजूने खालच्या दिशेने वर घेऊन दोन्ही हातांचे बोटे एकमेकांत गुंफावी. साधारण ३० सेकंद स्थिर राहण्याचा प्रयत्न करावा.

• एका बाजूने झाल्यावर दुसऱ्या बाजूनेही करावे.

आसनाचे फायदे

• हा स्ट्रेच केल्यामुळे आळस निघून जातो.

• खांदे, पाठीचा वरचा भाग मोकळा होतो.

• शिरा व स्नायूंना ताण बसल्याने त्यांची कार्यक्षमता आणि लवचिकता वाढते व सशक्त होतात. त्याची दुखणी कमी होतात.

• दंडाची अतिरिक्त चरबी कमी होण्यासही मदत होऊ शकते. पोश्चर नीट होण्यासही उपयुक्त.

• छातीच्या भागालाही ताण बसतो. त्यामुळे त्या भागातील अवयवांची कार्यक्षमता सुधारते.

• श्वासाच्या त्रासावर सुद्धा उपयोगी. मनावरील दडपण कमी करण्यासही मदत होते.

• फ्रोझन शोल्डरचा त्रास असेल तर योगारोपाच्या मदतीने हळूहळू

• करावे.

• कोठेही खूप ताण देऊन किंवा झटका देऊन करू नये.