Menstrual hygiene : मासिक पाळीत प्रत्येक स्त्रीला अनेक समस्यांना सामोरे जावे लागते. बर्‍याच स्त्रिया मोठ्या मूड स्विंग्ज आणि क्रॅम्पमधून जातात, तर इतर महिलांना अशक्तपणा आणि थकवा जाणवतो. अशात स्वच्छतासुद्धा तेवढीच महत्वाची ठरते. जर तुम्ही स्वच्छता राखली नाही तर तुम्हाला इतर काही समस्या देखील येऊ शकतात.

अस्वच्छता, विशेषतः सॅनिटरी पॅड वेळेवर न बदलल्याने अनेक समस्या उद्भवू शकतात. तुम्ही मासिक पाळी सुरू असताना दर चार तासांनी पॅड बदलण्याची शिफारस तज्ञ करतात.

दर 4 तासांनी सॅनिटरी पॅड बदलणे का महत्त्वाचे आहे?

स्त्रीरोग तज्ञांच्या मते, बहुतेक स्त्रिया त्यांच्या रक्तप्रवाहानुसार पॅड बदलतात. तथापि, तुमचा रक्त प्रवाह जास्त किंवा कमी असला तरी काही फरक पडत नाही, तुम्ही दर 4 तासांनी पॅड बदलले पाहिजेत. यामुळे बॅक्टेरियाच्या संसर्गाचा धोका टाळता येईल आणि जर तुम्ही दिवसभर पॅड बदलला नाही तर तुम्हाला संसर्गाचा धोका आणखी वाढू शकतो. याशिवाय, तुम्हाला तुमच्या योनी आणि मासिक पाळीशी संबंधित अनेक हानिकारक समस्यांना तोंड द्यावे लागू शकते.

मासिक पाळी दरम्यान पॅड न बदलल्यास...

दुर्गंधी पसरते

जर तुम्ही पॅड बदलले नाही तर गोठलेले रक्त आणि त्यातून निर्माण होणाऱ्या जीवाणूंमुळे दुर्गंधी पसरू शकते.

संसर्ग

साठलेले रक्त आणि बॅक्टेरिया संसर्गास कारणीभूत ठरू शकतात, ज्यामुळे योनिमार्गात संसर्ग होऊ शकतो.

फंगल इनफेक्शन

जर पॅड बराच काळ बदलले नाही तर ओलावा निर्माण होऊ शकतो जो फंगल इनफेक्शनचा (Disease) धोका वाढवू शकतो.

खाज सुटणे आणि जळजळ होणे

जास्त वेळ पॅड न बदलल्याने योनीमध्ये ओलावा वाढल्याने खाज सुटणे आणि जळजळ होण्याची समस्या उद्भवू शकते.

रक्त प्रवाह कमी किंवा जास्त असला तरीही तुम्ही तुमचं पॅड वेळेवर बदलावं. याशिवाय तुम्हाला ओले वाटू लागल्यावर लगेच जाऊन पॅड बदला. तुमचा प्रवाह हलका असला आणि तुमचं पॅड स्वच्छ असलं तरीही ते बदला. तुम्हाला 4-5 तासांपेक्षा जास्त काळ एक पॅड वापरण्याची गरज नाही. (Health)