Sprouted Wheat : गव्हाचा वापर जगभरात केला जातो, त्याच्या पिठापासून अनेक स्वादिष्ट पदार्थ तयार केले जातात. चपाती तर आपल्या रोजच्या जीवनाचा भाग आहे. आपल्यापैकी बहुतेकांना गव्हापासून तयार केलेली भाकरी आवडते. गव्हात अनेक प्रकारचे पोषक घटक आढळतात जे आपल्या शरीरासाठी खूप फायदेशीर असतात, परंतु तुम्ही कधी अंकुर आलेले गहु खाल्ले आहेत का? आपल्यापैकी बहुतेकांचे उत्तर 'नाही' असेल. मात्र अंकुरित गहू एकदातरी नक्के खाऊन बघावे. त्याचे अनेक फायदे आहेत.

अंकुरित गहू खाण्याचे फायदे

1. वेट कंट्रोल

वजन वाढणे ही एक सामान्य समस्या आहे, वेस्टर्न कल्चरमुळे लोकांच्या शारीरिक हालचाली बर्‍याच प्रमाणात कमी झाल्या आहेत, त्यामुळे वजन वाढण्याच्या समस्या वाढत चालल्या आहेत. अशा वेळी तुम्ही अंकुरलेले गहू खाऊ शकता, त्यामुळे वजन नियंत्रणात राहाते आणि दिवसभर ऊर्जा टिकून राहते आणि तुम्हाला जास्त वेळ भूक लागत नाही. त्यामुळे हळू हळू वजन कमी होऊ लागले. (Health)

2. डायजेशन चांगलं होईल

ज्या लोकांना नेहमी पोटदुखीची तक्रार असते त्यांनी रोजच्या आहारात अंकुरलेल्या गव्हाचा समावेश करावा कारण त्यात भरपूर फायबर असते, ज्यामुळे बद्धकोष्ठता, अॅसिडिटी, गॅस आणि पचनाशी संबंधित अनेक समस्या दूर होतात. (Wheat)

3. हाडे मजबूत होतील

वाढत्या वयाबरोबर हाडे पूर्वीसारखी मजबूत राहत नाहीत आणि नंतर हळूहळू शरीरात अशक्तपणा येऊ लागतो, यापासून बचाव करण्यासाठी सकाळी उठून अंकुरलेले गहू खावेत, कारण असे केल्याने हाडांना जबरदस्त ताकद मिळते, कारण त्यात कॅल्शियम मुबलक प्रमाणात असते. हाडांच्या आरोग्यासाठी आवश्यक पोषक तत्व अंकुरलेल्या गव्हात पूरेपूर असते.