Weight loss injection Wegovy launched in India: भारतात लठ्ठपणा ही समस्या झपाट्याने वाढत असून, त्यामुळे अनेक लोकांचे दैनंदिन आयुष्य आणि आरोग्य दोन्ही प्रभावित होत आहेत. वाढलेले वजन हे केवळ शारीरिक सौंदर्यावर परिणाम करणारे नसून, त्याचे दुरगामी परिणाम शरीराच्या अनेक अवयवांवर होतात. मधुमेह, उच्च रक्तदाब, हृदयरोग, कोलेस्टेरॉल आणि सांधेदुखी यांसारख्या आजारांचा धोका मोठ्या प्रमाणात वाढतो. अनेक जण डाएट, व्यायाम आणि नैसर्गिक उपाय करून वजन कमी करण्याचा प्रयत्न करतात, परंतु काही प्रकरणांमध्ये हे उपाय अपुरे ठरतात.
अशा लोकांसाठी औषधांच्या माध्यमातून मदत मिळू शकते. ही गरज लक्षात घेऊन डेनमार्कमधील नोवो नॉर्डिस्क (Novo Nordisk) कंपनीने ‘वेगोवी’ (Wegovy) हे वजन नियंत्रणासाठीचं औषध भारतात सादर केलं आहे. वैज्ञानिक पद्धतीने विकसित हे औषध जागतिक स्तरावर यशस्वी ठरले असून, आता भारतीय रुग्णांसाठीही एक नवा पर्याय उपलब्ध झाला आहे.
INDIAB या संशोधनानुसार, भारतात सुमारे २५ कोटी लोक सामान्य लठ्ठपणाने त्रस्त आहेत, तर ३५ कोटींहून अधिक जणांना पोटाभोवती चरबी साचल्यामुळे निर्माण होणाऱ्या लठ्ठपणाचा सामना करावा लागतो.
‘वेगोवी’सारखं औषध लठ्ठपणावर एक पर्याय ठरू शकतं, पण त्याचा वापर केवळ डॉक्टरांच्या सल्ल्यानेच करावा, असं आरोग्य तज्ज्ञांचं मत आहे.
वेगोवी हे इंजेक्शन स्वरूपात वापरलं जाणारं औषध असून त्यामध्ये ‘सेमाग्लूटाइड’ (Semaglutide) नावाचा घटक असतो. हे जीएलपी-1 रिसेप्टर अ‍ॅगोनिस्ट (GLP-1 RA) प्रकारातील असून आठवड्यातून एकदाच वापरायचं असतं. वजन कमी करण्यास मदत करतानाच, हृदयविकाराचा धोका कमी करण्यातही हे औषध उपयुक्त आहे असं सांगण्यात आलं आहे. हे वापरण्यास सोपं असलेलं पेनसारखं उपकरण आहे.
या औषधातील घटक GLP-1 हार्मोनप्रमाणे कार्य करतो, ज्यामुळे भूक कमी होते आणि वारंवार खाण्याची इच्छा देखील आटोक्यात येते. यामुळे शरीरात कमी कॅलरीज जातात आणि वजन हळूहळू कमी होऊ लागतं. शिवाय, इन्सुलिन प्रतिकारक्षमतेत सुधारणा होते आणि हृदय व मेटाबोलिक आरोग्य सुधारण्यास मदत मिळते.
वेगोवी पाच वेगवेगळ्या डोसमध्ये उपलब्ध आहे:
0.25 मिग्रॅ
0.5 मिग्रॅ
1 मिग्रॅ
1.7 मिग्रॅ
2.4 मिग्रॅ
0.25mg, 0.5mg आणि 1mg डोससाठी किंमत: ₹17,345 प्रति पेन
1.7mg साठी: ₹24,280 प्रति पेन
2.4mg साठी: ₹26,015 प्रति पेन
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.