Rice Effect On Body : तांदूळ हा दक्षिण आशियातील लोकांचा मुख्य आहार आहे. भारतात लोक भाताशिवाय त्यांचा आहार अपूर्ण मानतात. दिवसातून किमान एकदा तरी लोक मुख्य जेवण म्हणून थोड्या प्रमाणात तरी भात नक्कीच घेतात. मात्र जेवणासाठी भातावर अवलंबून राहाणे आपल्या आरोग्यासाठी योग्य नाही.

भातामध्ये कार्बोहायड्रेट्सचे प्रमाण खूप जास्त असते आणि इतर प्रकारच्या पोषक तत्वांचा त्यात अभाव असतो. यासोबतच त्यात भरपूर स्टार्चही आढळतो. जर आपण शुद्ध तांदूळ जास्त वापरला तर रक्तातील साखरेची पातळी वाढते.

भाताचे अधिक सेवन केल्यास त्याचा परिणाम तुमच्या वजनावरही होतो. समजा एखाद्या व्यक्तीने महिनाभर भात खाल्लाच नाही तर त्याच्या आरोग्यावर त्याचे काय परिणाम होतील जाणून घेऊया.

तुम्ही महिनाभर भात खाल्लाच नाही तर?

इंडियन एक्स्प्रेसने दिलेल्या वृत्तानुसार, श्रीबालाजी अॅक्शन मेडिकल इन्स्टिट्यूटच्या मुख्य पोषण विशेषज्ञ, प्रिया भ्रमा यांनी सांगितले की, जर तुम्ही महिनाभर भात खाल्ला नाही तर शरीरातील कॅलरीजचे प्रमाण कमी होईल, यामुळे प्रामुख्याने वजन कमी होऊ शकते.

तांदळात कार्बोहायड्रेट्सचे प्रमाण जास्त असल्याने जेव्हा आपण भात खात नाही तेव्हा शरीरात कार्बोहायड्रेटचे प्रमाण कमी होते. साहजिकच यामुळे रक्तातील साखरेची पातळी स्थिर होईल. वोकार्ड हॉस्पिटलच्या ज्येष्ठ आहारतज्ज्ञ रिया देसाई यांनी सांगितले की, महिनाभर भात न खाल्ल्यास वजन कमी होऊ शकते, पण भाताऐवजी इतर तत्सम पदार्थ खाणेही तुम्हाला टाळावे लागेल. (Health)

शरीरात अचानक साखरेची पातळी वाढणार नाही

जर तुम्ही इतर कोणतेही धान्य जसे की तांदूळ ज्यात कार्बोहायड्रेट जास्त असेल ते खाल्ले तर तुमचे वजन कमी होणार नाही. रिया देसाईने सांगितले की, भातामुळे अचानक वाढणारी शुगर लेव्हल नियंत्रणात राहील.

मात्र भात खाणे तुम्ही काही काळासाठीच बंद केले आणि काही काळानंतर तुम्ही परत भात खाणे सुरु केले तर तुमच्या आरोग्यावर त्याचा विपरित परिणाम होऊ शकतो. तेव्हा आहारात भाताचे प्रमाणात नियंत्रित ठेवावे.