Hidden Causes of Tooth Decay in Children: माझा मुलगा दररोज दात घासतो, तरीही त्याचे दात किडले आहेत ! अशी अनेक पालकांची तक्रार असते. परंतु दात किडण्याची अनेक कारणे असतात. दोन वेळा दात घासण्याची सवय कधीपासून आहे, योग्य पद्धतीने दात घासतो का? रात्री झोपण्यापूर्वी दात घासतो का? दिवसभरात काही खाल्ल्यानंतर चूळ भरतो का ? दात किडण्याची बरीचशी कारणे या प्रश्‍नांशी निगडित आहेत.
लहान मुलांच्या शरीराची वाढ सातत्याने होत असते. त्यासाठी दररोज संतुलित व पौष्टीक आहाराची गरज असते. तो न मिळाल्यास मुलांच्या बुद्धीमत्तेवर, व्यक्‍तिमत्त्वावर, शारीरिक क्षमतेवर परिणाम होतो. अन्न चांगले चावून खाण्यासाठी दातांचे आरोग्य चांगले असणे गरजेचे आहे.
दात किडून दुखत असल्यास खाण्याचा मुले कंटाळा करतात. त्यामुळे चावण्यास कठीण असलेले पदार्थ, जंक फुड यांचे सेवन अधिक प्रमाणात होते. परिणामत: शरीराचे पोषण होत नाही.
वयाच्या सहाव्या वर्षी मुलांना कायम स्वरूपाच्या दाढा येतात. या दाढांना खाचखळगे असतात. त्यात अन्नकण अडकून दाढा किडू लागतात. अशा परिस्थितीत दुर्लक्ष केल्यास ही कीड पसरते. व दात दुखू लागतात त्यातून अनेक पालकांची गैरसमजूत असते, की दाढा दुधाच्या आहेत व त्या पडणारच आहेत. त्यावर योग्य उपचार केले जात नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.