दरवर्षी २५ एप्रिलाला मलेरिया दिवस हा जागतिक स्तरावर साजरा केला जातो. मलेरियाविषयी जनजागृती करण्यासाठी २००७ पासून हा दिवस साजरा करण्याचे ठरविण्यात आले.

मलेरिया या रोगाविषयी जास्तीत जास्त लोकांना माहिती व्हावी, या आजारावर मात करण्यासाठी उपाय योजना कोणत्या, लक्षणे कोणती? या संदर्भात लोकांना कळावे म्हणून मलेरिया दिवसाचे खास महत्त्व आहे.

मलेरिया म्हटलं की गंभीर आजार. मलेरियावर वेळीच औषध उपचार करणे गरजेचे आहे. कधी कधी घरगुती उपायही फायदेशीर ठरतात. आज आपण काही घरगुती उपायाविषयी जाणून घेणार आहोत. चला तर जाणून घेऊया.

१. मलेरिया झाल्यास आल्याचे सेवन करणे फायदेशीर ठरते. आल्याचा छोटासा तुकडा पाण्यात उकळून त्यात मध टाकावे, यामुळे तुम्हाला मलेरियापासून फायदा मिळणार.

२. हळद हे नैसर्गिक दृष्ट्या आजार असो वा आणखी काही बेस्ट मेडिसीन म्हणून काम करते. हळदीमध्ये असणारे कर्क्युमिन हे मलेरियावर प्रभावीपणे काम करते. रात्री झोपण्यापूर्वी एक ग्लास दुधात हळद घालून पिलात, तर त्याचा फायदा तुम्हाला दिसणार.

३. कलौंजीमध्ये अँटीऑक्सिडंट गुण असतात जे मलेरीयापासून दूर ठेवण्यास मदत करतात. दररोज सकाळी काहीही खाण्यापूर्वी कलौंजीला पाण्यात मिक्स करून प्यावे याचा फायदा तुम्हाला दिसून येणार.

४. मलेरियाविरुद्ध सर्वात मोठा रामबाण उपाय आहे ते म्हणजे मेथी. मेथी रोगप्रतिकारशक्ती वाढवण्यास मदत करते. मेथीचे दाणेही खूप उपायकारक असतात. यासाठी रात्री पाण्यात मेथीचे दाणे भिजवून ठेवा आणि सकाळी उपाशी पोटी प्या.

५. मलेरियासाठी आणखी एक उपाय जास्त फायदेशीर ठरू शकतो तो म्हणजे अँटिऑक्सिडंट. दालचिनीमध्ये अँटिऑक्सिडंट आणि अँटीव्हायरल गुणधर्म जास्त असतात त्यामुळे दालचिनी खाणे चांगले असते.