पंचांग -

गुरुवार : कार्तिक शुद्ध १४, चंद्रनक्षत्र भरणी, चंद्रराशी मेष, चंद्रोदय सायं. ५.२१, चंद्रास्त स. ६.३०, सूर्योदय ६.४४, सूर्यास्त ५.५५, वैकुंठ चतुर्दशी, त्रिपुरारी पौर्णिमा, आवळी पूजन व भोजन, कार्तिकस्वामी दर्शन मध्यरात्री १.२९ नं., पौर्णिमा प्रारंभ दु. १२.०१, भारतीय सौर कार्तिक २७ शके १९४३.

दिनविशेष -

२०१० - आशियाई क्रीडा नेमबाजी स्पर्धेतील भारताच्या विजय कुमारने २५ मीटर स्टॅंडर्ड पिस्तूल स्पर्धेत ब्राँझपदक पटकावले.

२०१४ - नागरिकांना बचतीसाठी प्रोत्साहन देण्याच्या हेतूने आणि सरकारला विकास कार्यक्रमांसाठी पैसा उपलब्ध व्हावा, यादृष्टीने केंद्र सरकारतर्फे ‘किसान विकास पत्र’ योजना पुन्हा सुरू केली.

२०१५ - ‘राइट टू पी’ चळवळीला मान्यता मिळवून देणाऱ्या ‘कोरो’ संस्थेच्या प्रमुख मुमताज शेख यांचा ब्रिटिश ब्रॉडकास्टिंग कॉर्पोरेशनने जगभरातील शंभर महत्त्वाकांक्षी महिलांच्या यादीत समावेश केला.

दिनमान -

मेष : महत्त्वाची कामे मार्गी लावू शकाल. दिवस अनेक दृष्टीने अनुकूल आहे.

वृषभ : दिवस फारसा अनुकूल नाही. काहींना मानसिक अस्वस्थता राहील.

मिथुन : अनेकांशी सुसंवाद साधाल. अनेकांचे सहकार्य लाभेल.

कर्क : नोकरी, व्यवसायात उत्तम स्थिती राहील. प्रॉपर्टीची कामे मार्गी लावू शकाल.

सिंह : एखादी भाग्यकारक घटना घडेल. नवी दिशा सापडेल.

कन्या : मानसिक अस्वस्थता राहील. फारसा उत्साह असणार नाही.

तूळ : आरोग्य उत्तम राहील. तुमचा उत्साह व उमेद वाढविणारी घटना घडेल.

वृश्‍चिक : कर्मचारी वर्गाचे सहकार्य लाभेल. खर्च वाढणार आहेत.

धनू : प्रवास सुखकर होतील. मुलामुलींच्या प्रगतीकडे लक्ष देऊ शकाल.

मकर : प्रॉपर्टीच्या कामास दिवस चांगला. व्यवसायात अनुकूल बदल करू शकाल.

कुंभ : जिद्दीने व चिकाटीने कामात यश मिळवाल. तुमचे कार्यक्षेत्र उत्तम राहील.

मीन : प्रवास सुखकर होतील. आर्थिक लाभाचे प्रमाण समाधानकारक राहील.