फोटोग्राफी

चित्रपटाच्या शुटिंगमुळे ही 11 ठिकाणे रात्रीत झाली फेमस

सुस्मिता वडतिले

बॉलिवूड मुव्हीज, टीव्ही सिरीयल किंवा वेब सीरिजमध्ये दिसणारे सुंदर शुटिंग स्पॉट चाहत्यांच्या मनावर एक वेगळी जादू निर्माण करतात. म्हणूनच चित्रपट निर्माते कॅमेऱ्यात सर्वोत्तम शॉट कॅप्चर करण्यासाठी चांगले शुटिंग स्पॉट शोधत राहतात. एकदा एखादे ठिकाण पडद्यावर दाखवले गेले की मग ते पॉप्युलर टूरिस्ट डेस्टिनेशन बनण्यास वेळ लागत नाही. आज आम्ही तुम्हाला अशाच काही खास ठिकाणांबद्दल सांगणार आहोत, जे चित्रपटाच्या एका शूटमुळे प्रसिद्ध झाले.

उटी, तामिळनाडू: उटी हे देशातील सर्वात लोकप्रिय बॉलिवूड शुटिंग स्पॉटपैकी एक आहे जे चित्रपट निर्मात्यांसाठी स्वर्गापेक्षा कमी नाही. 'दिल से', 'बर्फी', 'साजन', 'कुछ कुछ होता है' आणि 'अजब प्रेम की गजब कहानी' असे अनेक अप्रतिम चित्रपट इथे चित्रीत झाले आहेत. चहाची लागवड, निलगिरीची झाडे, सुखद हवामान आणि रोमँटिक हवामान उटीला सर्वात सुंदर पर्यटन स्थळ बनवते.
मरीन ड्राईव्ह, मुंबई: माया नगरी मुंबईमध्ये असलेले मरीन ड्राइव्ह हे शुटिंगसाठी प्रसिद्ध ठिकाण मानले जाते. तुम्ही इथे अनेक चित्रपटांमध्ये पडद्यावरची दृश्ये पाहिली असतील. काही रोमँटिक क्षण घालवण्यासाठी तुम्ही तुमच्या पार्टनरसोबत मरिन ड्राइव्हला जाऊ शकता. इथल्या समुद्र किनाऱ्यावर फिरायला गेल्यास तुम्हाला खूप शांतता मिळेल.
इंडिया गेट, दिल्ली: दिल्लीच्या मध्यभागी स्थित इंडिया गेट एक पॉप्युलर शुटिंग डेस्टिनेशन आहे. 'चांदनी', 'रंग दे बसंती', 'दिल्ली -6' आणि 'रॉकस्टार' सारख्या चित्रपटांचे शुटिंग येथे झाले आहे. जर तुम्ही दिल्लीत किंवा त्याच्या जवळ असाल तर ऑक्टोबर ते मार्च महिन्यांपर्यंत इथे नक्की भेट द्या. तुम्ही कुटुंब किंवा मित्रांसह येथे पिकनिकला जाऊ शकता.
मुन्नार, केरळ: हॉलिवूड चित्रपट 'लाइफ ऑफ पाई' आणि बॉलिवूडच्या 'चेन्नई एक्सप्रेस' आणि 'निषाद' मध्ये हिरव्यागार चहाच्या बागा तुम्ही पाहिल्या असतील. या चित्रपटांची अनेक दृश्ये केरळच्या मुन्नारमध्ये शुटिंग करण्यात आली. दरवर्षी लग्नाच्या हंगामात (सीजन), अनेक कपल्स त्यांच्या हनिमूनसाठी येथे येतात. मुन्नारच्या आसपास इतर अनेक उत्तम ठिकाणे आहेत.
अथिरापल्ली आणि वझाचल धबधबा, केरळ: बाहुबली चित्रपटात तुम्ही प्रभासला ज्या धबधब्यात शिवलिंग उचलताना पाहिले, त्याचे शुटिंग अथिरापल्ली आणि वझाचल धबधब्यात झाले. हे दोन्ही धबधबे केरळमध्ये आहेत. 'रावण' चित्रपटाची अनेक दृश्ये इथे शूट करण्यात आली आहेत. जर तुम्ही कधी केरळला गेलात तर या ठिकाणाला भेट द्यायला विसरू नका.
बनारस घाट, उत्तर प्रदेश: बनारस हे भारतातील सर्वात जुन्या शहरांपैकी एक आहे. भव्य मंदिरे, सांस्कृतिक वारसा, प्राचीन घाट आणि मंत्रमुग्ध करणारी आरती ही बनारसची वैशिष्ट्ये आहेत. 'रांझणा' आणि 'मसान' सारख्या अनेक चित्रपटांचे चित्रीकरण या ठिकाणी झाले आहे. बनारस घाटाला भेट देण्याचा उत्तम दिवस म्हणजे नोव्हेंबर ते फेब्रुवारी दरम्यान आहे.
गुलमर्ग, काश्मीर: 'आपकी कसम', 'बॉबी', 'ये जवानी है दिवानी', 'हायवे', 'हैदर', 'जब वी मेट' आणि 'रॉकस्टार' सारख्या चित्रपटांचे शुटिंग येथे झाले आहे. शिकारी वर शम्मी कपूरच्या डान्सपासून रणबीर कपूरच्या बर्फावरच्या रोमान्सपर्यंत गुलमर्गच्या सौंदर्याचा आधार घेण्यात आला आहे.
मनाली, हिमाचल प्रदेश: फिरण्यासाठी इच्छुक असणाऱ्या लोकांसाठी मनाली हे अतिशय लोकप्रिय ठिकाण आहे. 'रोजा' आणि 'ये जवानी है दिवानी' सारखे चित्रपट या ठिकाणी शूट झाले आहेत. बर्फाच्छादित शिखर, उंच आणि खालचे रस्ते आणि सुंदर हवामान ही या ठिकाणाची वैशिष्ट्ये आहेत. येथे पर्यटक ट्रेकिंग, पॅराग्लायडिंग सारख्या अॅडवेंचरस एक्टिविटीज चा आनंद घेऊ शकतात.
पँगोंग लेक, लेह: तुम्ही पँगोंग लेकचे नाव यापूर्वी कधीच ऐकले नसेल, पण तुम्ही ते ठिकाण पडद्यावर अनेक वेळा पाहिले असेल. 3 इडियट्स, लक्ष्य आणि टशन सारख्या अनेक चित्रपटांचे शुटिंग येथे झाले आहे. ही ठिकाणे लेहपासून सुमारे 4-5 तासांच्या अंतरावर आहेत. तुम्ही मे ते सप्टेंबर महिन्यांपर्यंत येथे भेट देऊ शकता. परंतु जर तुम्हाला येथे कडाक्याच्या थंडीचा आनंद घ्यायचा असेल तर नोव्हेंबर ते जानेवारी दरम्यान तुम्ही येथे जावू शकता.
चापोरा किल्ला, गोवा: 2001 मध्ये प्रदर्शित झालेल्या 'दिल चाहता है' चित्रपटानंतर गोवा पर्यटकांमध्ये अधिक प्रसिद्ध झाला आहे. शांततेचे काही क्षण घालवण्यासाठी गोवा सहलीला गेलेल्या तीन मित्रांच्या कथेवर हा चित्रपट आधारित आहे. धूम, गोलमाल आणि रंगीला सारखे अनेक सुपरहिट चित्रपट इथे शूट झाले आहेत. सुंदर किनारे, वाळूचे किनारे आणि शांत वातावरण हे गोव्याचे वैशिष्ट्य आहे.
अमृतसर: भारताच्या उत्तर-पश्चिम भागात असलेले अमृतसर सुवर्ण मंदिरासाठी खूप प्रसिध्द आहे. विकेंडच्या दिवशी शिख समुदायाच्या श्रद्धेचे केंद्र असलेल्या या गुरुद्वाराला एक लाखाहून अधिक लोक भेट देतात. बॉलिवूड सुपरहिट चित्रपट वीर-जाराचे अनेक सीन्स हिरव्या मोहरीच्या शेतात आणि पंजाबच्या वाघा बॉर्डरवर शूट केले गेले आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

Cigarette: धूम्रपान करणाऱ्यांना मोठा धक्का! सिगारेटच्या किमती ५५ रुपयांनी वाढल्या; तुमच्या आवडत्या ब्रँडचा नवीन दर किती? जाणून घ्या...

PAK vs AUS: पाकिस्तानी चिटर! Out नसताना ऑस्ट्रेलियन फलंदाजाला अंपायरने दिले बाद, Video Viral

Rohit Shetty murder plot : लॉरेन्स टोळीने रचला होता रोहित शेट्टीच्या हत्येचा कट? ; ‘FIR’मधून खळबळजनक माहिती उघड!

Latest Marathi News Live Update: कुसुमाग्रज प्रतिष्ठानतर्फे दिला जाणारा ‘गोदावरी गौरव’ पुरस्कार जाहीर, 6 जणांचा होणार सन्मान

Urdu Schools Timing: उर्दू शाळांच्या वेळा बदलणार, राज्य सरकारचा मोठा निर्णय, कारण काय? जाणून घ्या...

SCROLL FOR NEXT