उन्हाळ्यात Acidity होतेय! हे पाच पदार्थ ठरतील फायद्याचे

सकाळ डिजिटल टीम

Updated:२० मार्च, २०२२, ७:१६ AM

सध्या उन्हाळा भरपूर आहे. अशावेळी शरीर हायड्रेड राखणे गरजेचे असते. काही पेय, फळं खाल्लाने शांत वाटते. पोटात गरम होत नाही. तसेच अॅसिडिटीही कमी होते. अनेकांना उन्हाळ्यात अॅसिडिटी होण्याचा त्रास होतो. तब्येतीच्या तक्रारी होतात. त्यामुळे या काळात काही पदार्थ खाणे गरजेचे असते.

१) नारळ पाणी- नारळ पाण्यामुळे आपल्या शरीरातील विषारी पदार्थ बाहेर निघतात.नारळाच्या पाण्यात फायबरचे प्रमाणही भरपूर असते आणि त्यामुळे नियमितपणे मलप्रवाह होण्यास मदत होते. अॅसिडिटीपासूनही आराम मिळतो.

२) थंड दूध- अॅसिडीटीपासून आराम मिळविण्यासाठी दूध पिणे फायद्याचे ठरते. छातीत होणारी जळजळ कमी होते. त्यामुळे जेव्हा तुम्हाला पोटात आम्ल वाढले किंवा छातीत जळजळ होते तेव्हा एक ग्लास थंड दूध पिणे केव्हाही चांगले.

३) दही- ताक- दुधाबरोबरच दही आणि ताक अॅसिडिटी कमी करण्यासाठी खूप गुणकारी आहेत. हे घटक पोटाला थंडावा देतात. त्यातील नैसर्गिक जीवाणू अॅसिडिटी तयार होऊ देत नाहीत. त्यामुळे तुमची पचनसंस्था निरोगी ठेवण्यास मदत होते. जेवणानंतर नियमितपणे दही आणि ताक प्यायल्यास अॅसिडिटी होण्याची शक्यता कमी होते.

४) केळं- अॅसिडिटी कमी करण्यासाठी केळं हा चांगला पर्याय आहे. केळ्यात असणारे पॉटेशिअम पोटात श्लेष्मा निर्माण करतो. ज्यामुळे शरीरातील पीएच पातळी कमी होते. याशिवाय, केळीमध्ये फायबरचे प्रमाण जास्त असते. उन्हाळ्यात जास्त पिकलेली केळी खाल्ल्याने अॅसिडिटी दूर राहते.

५) कलिंगड - कलिंगडात अँटी-ऑक्सिडंट्स, फायबर भरपूर प्रमाणात असतात. त्यामुळे पोटाच्या इतर आजारांपासून संरक्षण होते. कलिंगडात पाण्याचे प्रमाण चांगले असल्याने शरीराला हायड्रेट राखण्यासाठी तसेच पीएच पातळी कमी करण्यास मदत करते. सफरचंद आणि पपई यासारखी इतर फळांमधूनही फायबर चांगले मिळते. ही फळे अॅसिडीटी दूर करण्यासाठी मदत करतात.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

उन्हाळ्यात Acidity होतेय! हे पाच पदार्थ ठरतील फायद्याचे

Also Read

जीव दे म्हटलं म्हणून एखाद्याने खरंच जीवन संपवलं तर काय? हायकोर्टाची महत्त्वाची टिप्पणी

Instagram Algorithm : इन्स्टाग्रामच्या नियमांमध्ये मोठा बदल; ओरिजिनल कंटेंट होणार प्रमोट.. मात्र यूजर्सचं टेन्शन वाढणार!

Viral Video: खिशात खेळण्यातली पिस्तूल सापडल्यानंतर पकडले कान, मुंबई मेट्रो स्टेशन वरील चिमुकल्याचा व्हिडिओ व्हायरल

Latest Marathi News Live Update : कुर्ल्यातील भाभा हॉस्पिटलमध्ये कामबंद आंदोलन