मुंबई - बॉलीवूडमधील सर्वात धक्कादायक बातमी म्हणजे प्रसिद्ध अभिनेता सिद्धार्थ शुक्लाचं हद्यविकाराच्या झटक्यानं निधन झालं आहे. वयाच्या अवघ्या ४० व्या वर्षी त्यानं अखेरचा श्वास घेतला आहे. त्यानं वेगवेगळ्या माध्यमांमध्ये काम केले होते. त्याच्या जाण्यानं मनोरंजन विश्वाला मोठा हादरा बसला आहे. त्याची अचानक एक्झिट ही सर्वांना चटका लावून जाणारी आहे. बिग बॉसच्या १३ व्या पर्वाचा तो विजेता होता. त्यानं वेगवेगळ्या सेलिब्रेटींबरोबर काम केले होते. मनमिळावू स्वभावाचा सिद्धार्थ हा मनोरंजन क्षेत्रामध्ये प्रख्यात होता. त्यानं रियॅलिटी शो मध्येही सहभाग घेतला. त्याचा कुणाशी वाद नव्हता. आपल्या लाघवी स्वभावानं त्यानं सर्वांना आपलेसं केलं होतं. सोशल मीडियावर अॅक्टिव्ह असणाऱ्या सिद्धार्थनं डान्स दिवानेमध्येही आपल्या परफॉर्मन्सनं चाहत्यांची पसंती मिळवली होती.
अनेक दिग्गज सेलिब्रेटींनी त्याला श्रद्धांजली वाहिली आहे. वैद्यकीय अहवालातून त्याच्या शरीरावर इतर कोणत्याही जखमा नसल्याचे डॉक्टरांनी सांगितलं आहे. गेल्या काही तासांपासून त्याच्या मृत्युविषयी जे सांगण्यात आले होते ती माहिती वैदयकीय अहवालानं चूकीची ठरवली आहे. मात्र सुत्रांनी दिलेल्या माहितीनुसार हायप्रोटीनचं सेवन, अतिरिक्त कसरत याचाही फटका त्याच्या प्रकृतीवर झाल्याचे सांगण्यात आले आहे. छातीत दुखायला लागल्याचे कळताच सिद्धार्थला मुंबईतील कुपर रुग्णालयात दाखल करण्यात आले होते. तिथे त्याचा उपचारा दरम्यान मृत्यु झाला. त्यानं झोपताना काही गोळ्या घेतल्याची माहिती समोर आली आहे. त्यामुळे त्याला जाग आली नसल्याचेही सुत्रांनी सांगितलं आहे. गुरुवारी पहाटे साडेतीन वाजता सिद्धार्थला जाग आली तेव्हा त्याला अस्वस्थ वाटू लागले होते. त्यानं त्याविषयी आईला सांगितलं. आईनं त्याला पाणी देऊन विश्रांती घेण्याचा सल्ला दिला होता. मात्र सकाळी सिद्धार्थला जाग आली नाही. त्याच्या आईनं त्याला जेव्हा जागं करण्याचा प्रयत्न केला तेव्हा त्यानं काहीच प्रतिसाद दिला नाही. शेवटी सिद्धार्थला रुग्णालयात नेण्यात आलं. रुग्णालयाचे डॉक्टरांनी दिलेल्या माहितीनुसार, आम्हाला सिद्धार्थच्या शरीरावर कोणत्याच प्रकारची इजा आढळली नाही. आता नव्यानं हाती आलेल्या माहितीनुसार, साधारण दुपारी पावणे चारच्या सुमारास त्याचा शवविच्छेदनचा अहवाल हाती आला. याबाबत इंडिया टूडेनं सविस्तर वृत्त दिलं आहे.मनोरंजनाच्या क्षेत्रात भलेही सिद्धार्थ हा प्रेक्षकांचा लोकप्रिय अभिनेता होता. मात्र त्याच्या काही सवयीनं त्याला धोक्यात टाकल्याचे दिसून आलं आहे. रोजच्या धकाधकीच्या आयुष्यात त्याला पुरेशा विश्रांतीसाठी वेळ मिळत नसल्याचे दिसून आले आहे. त्याच्या या बिझी रुटीनचा फटका त्याला बसला आहे. सिद्धार्थ हा नेहमी हाय प्रोटीन घेत असल्याचे दिसुन आले आहे. त्याची झोप नियमित नसल्याचेही दिसून आले आहे. यासगळ्याचा वाईट परिणाम त्याच्या प्रकृतीवर झाल्याची चर्चा आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.