अभिनेत्री ईश्वरी देशपांडेच्या अपघाती मृत्यूने कलाविश्वात एकच खळबळ माजली. २० सप्टेंबर गोव्यात कार अपघातात ईश्वरीचा तिच्या मित्रासह मृत्यू झाला. २५ व्या वर्षी तिने जगाचा निरोप घेतला. कार अपघातात जीव गमावणारे इतर मराठी कलाकार कोणते, ते पाहुयात..
१- ईश्वरी देशपांडे- पुण्यातील अभिनेत्री ईश्वरी देशपांडे आणि तिचा मित्र शुभम देगडेसह गोव्यात अपघाती मृत्यू झाला. अरुंद रस्त्यावर जाताना शुभमचा गाडीवरील ताबा सुटला आणि बागा-कलंगुट येथे खाडीत त्यांची गाडी कोसळली. गाडी लॉक झाल्यामुळे दोघांचाही दुर्दैवी मृत्यू झाला. गाडी चालकाचा ताबा सुटल्यामुळे गाडी रस्त्याच्या दुसऱ्या बाजूला गेली आणि खाडीत कोसळली. सकाळी सात वाजता अग्निशमन दलाच्या अधिकाऱ्यांनी दोघांचे मृतदेह खाडीतून बाहेर काढले, अशी माहिती पोलिसांनी दिली.२- आनंद अभ्यंकर- 'वास्तव', 'कॅरी ऑन मुन्ना भाई' यांसारख्या चित्रपटांमध्ये दमदार भूमिका साकारणारे अभिनेते आनंद अभ्यंकर यांचा २४ डिसेंबर २०१२ रोजी मुंबई-पुणे एक्स्प्रेस वेवर अपघाती मृत्यू झाला. भरधाव टेम्पोने आनंद यांच्या कारला जोरात धडक दिली आणि त्यात त्यांचा मृत्यू झाला. ३- गीता माळी- मराठी गायिका गीता माळी हिचा मुंबई-आग्रा हायवेवर १५ नोव्हेंबर २०१९ रोजी मृत्यू झाला. गीता नाशिकला तिच्या घरी जात होती, त्यावेळी हा अपघात झाला. अपघाताच्या वेळी तिचा पती विजयसुद्धा कारमध्ये होता. मात्र उपचारादरम्यान गीताचा मृत्यू झाला. ४- अक्षय पेंडसे- उत्तरायण, कायद्याचे बोला, डम डम डिगा डिगा यांसारख्या चित्रपटांमध्ये भूमिका साकारलेला अभिनेता अक्षय पेंडसे याचंही डिसेंबर २०१२ मध्ये निधन झालं. अपघातात अक्षय पेंडसे आणि त्याचा दोन वर्षांचा मुलगा प्रत्युष याचाही मृत्यू झाला होता. सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.