फोटोग्राफी

हरियाणात सापडली एक लाख वर्षांपूर्वीच्या भित्तीचित्रांची गुहा; पाहा फोटो

विनायक होगाडे

Updated:20th Jul, 2021 at 8:07 PM

हरियाणातील पुरातत्वशास्त्रज्ञांना प्रागैतिहासिक काळातील एका गुहेचा शोध लागला आहे. या गुहेमध्ये चित्रेही काढलेली दिसून आली आहेत. ही चित्रे जवळपास एक लाख वर्षांपूर्वीची असल्याचा अंदाज तज्ज्ञांचा आहे. हरियाणातील फरिदाबादमधील मंगर बानी हील फॉरेस्टमध्ये ही चित्रे आढळून आली आहेत.

टूल टॉपोलॉजीच्या आधारावर असं म्हटलं जाऊ शकतं की, या जागेवरील प्रागैतिहासिक वस्ती सुमारे 1,00,000 ते सुमारे 15,000 वर्षांपूर्वीची असू शकते. परंतु आम्हाला नंतरच्या काळातील म्हणजे अगदी इ.स. आठव्या ते नवव्या शतकापर्यंत वस्तीचा पुरावा देखील सापडला आहे, असं हरियाणा पुरातत्व व संग्रहालये विभागाच्या उपसंचालक बनानी भट्टाचार्य यांनी म्हटलंय. पहिल्यांदाच दगडाच्या निवाऱ्यासह एवढा मोठा प्रदेश सापडला आहे.

असं म्हटलं जाऊ शकतं की, हे भारतीय उपखंडातील सर्वात मोठे पॅलेओलिथिक साइट्सपैकी एक असू शकते, जिथे दगडाच्या युगची साधने वेगवेगळ्या खुल्या हवेच्या ठिकाणांवर तसेच खडकांच्या आश्रयस्थानांतून सापडल्या आहेत.

अधिकाऱ्यांनी म्हटलंय की, हरियाणामध्ये पहिल्यांदाच प्रागैतिहासिक काळातील गुहेतील चित्रे आणि दगडी कलेचा नमुना असलेलं ठिकाण सापडलं आहे. परंतु, याआधी अरवलीच्या भागांमध्ये पॅलेओलिथिक काळातील साधने सापडली आहेत.

गेल्या मे महिन्यात पर्यावरणीय कार्यकर्ते सुनील हरसाना यांनी मंगर बानी टेकडीच्या जंगलात प्रागैतिहासिक गुहेचे चित्रे पाहिली होती. त्यानंतर संशोधकांनी अधिक संशोधन सुरु केले होते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

हरियाणात सापडली एक लाख वर्षांपूर्वीच्या भित्तीचित्रांची गुहा; पाहा फोटो

Also Read

हिमालयातील जीवघेण्या थंडीत सैनिकांनी लढलेल्या युद्धाची शौर्यगाथा ; 120 बहादूरचा ट्रेलर प्रेक्षकांच्या भेटीस !

Latest Marathi News Live Update : 'झेडपी’ निवडणुकीची लवकरच घोषणा होण्याची शक्यता

आयटी इंजिनिअरला १४ कोटींना लुबाडणाऱ्या भोंदूबाबासह तिघांना अटक, दोघे फरार; मोठे अपडेट समोर