नाशिक : गेले 2 वर्षे वारकरी भाविकांना पंढरपूरला वारी साठी कोरोना मुळे जाता आले नव्हते. खंड पडल्याने वारकऱ्यांमध्ये नाराजीचे वातावरण होते. परंतु या वर्षी वारकरी मोठ्या संख्येने पायी वारीसाठी उपस्थित असल्याचे दिसून येतेय. वारकऱ्यांमध्ये उत्साहाचे वातावरण आहे. आषाढी वारी (Ashadhi Wari) साठी संतश्रेष्ठ निवृत्तीनाथ महाराजांच्या पालखीने पंढरीकडे प्रस्थान केले. आज अशोक स्तंभ येथून पंचवटी कडे प्रस्थान केले आहे.

संत निवृत्तीनाथ महाराज पालखीचे नाशिक शहरात आगमन झाले असून विभागीय आयुक्त राधाकृष्ण गमे,आमदार हिरामण खोसकर, जि.प. मुख्य कार्यकारी अधिकारी लीना बनसोड,जिल्हाधिकारी गंगाथरन डी, माजी आमदार बाळासाहेब सानप, पोलीस आयुक्त संजय नाईकनवरे यांनी पालखीचे दर्शन घेतले.