औरंगाबादेत बाबासाहेब आंबेडकरांना अभिवादन करण्यासाठी उसळला जनसागर !

मधुकर कांबळे

Updated:१४ एप्रिल, २०२२, १:३६ PM

औरंगाबाद : पीडित, शोषितांच्या अंधारलेल्या जीवनात ज्ञानाचा प्रकाश देणारे प्रज्ञासूर्य, महामानव डॉ.बाबासाहेब आंबेडकर यांना अभिवादन करण्यासाठी भडकलगेट येथे आंबेडकरी अनुयायांनी गर्दी केली होती. बाबासाहेबांच्या नावाचा जय जयकार करत पदयात्रेने भडकलगेट इथे दाखल झालेले भीमसैनिक, निळे झेंडे, पताकांनी सजलेल्या भडकलगेट परिसरात गुरुवारी (ता.१४) आंबेडकरी जनतेत हर्षोल्हास पाहायला मिळाला. ‘पहा पहा मंजुळा... माझ्या भीमरायाचा मळा, अंधाऱ्या वस्तीत भीमाने लावलाय दिवा..’ अशा गीतांनी वातावरण भीममय झाले होते.

कोरोना महामारीच्या संकटामुळे दोन वर्षे सार्वजनिक स्वरूपात डॉ. आंबेडकर जयंती साजरी होऊ शकली नाही. यंदा कोरोनाचे सर्व निर्बंध हटवण्यात आल्याने प्रचंड उत्साहात जयंती साजरी करण्यात आली. भडकलगेट येथे बुधवारी पूर्वसंध्येपासूनच अभिवादनासाठी नागरिक जमायला सुरुवात झाली होती. हाच ओघ गुरुवारपर्यंत (ता.१४) कायम होता. विविध पक्ष, सामाजिक संघटना, स्वयंसेवी संस्था आणि आंबेडकरी अनुयायांच्या वतीने अभिवादन करण्यात आले. महापालिकेच्या वतीने विद्युत रोषणाईने परिसर उजळवण्यात आला होता.

सर्वपक्षीय नेत्यांकडून अभिवादन : सर्वपक्षीय जयंती उत्सव समितीच्या वतीने स्टेज उभारण्यात आले होते. तसेच सार्वजनिक जयंती उत्सव समितीच्यावतीने दुसरे स्टेज उभारण्यात आले होते. खासदार इम्तियाज जलील, शिवसेना नेते चंद्रकांत खैरे, आमदार संजय शिरसाट, आमदार अंबादास दानवे, आमदार अतुल सावे, आमदार सतीश चव्हाण, माजी महापौर नंदकुमार घोडेले, रशीदमामू, सर्वपक्षीय जयंती उत्सव समितीचे अध्यक्ष नवीनसिंग ओबेराय, प्रशांत शेगावकर, बाबूराव कदम, महापालिका आयुक्त आस्तिककुमार पांडेय, पोलिस आयुक्त निखिल गुप्ता, राष्ट्रवादीचे ख्वाजा शरफोद्दीन, मयूर सोनवणे, शिवसेनेचे राजेंद्र दानवे, राजेंद्र जंजाळ, सिद्धांत शिरसाट, बाळासाहेब गायकवाड, काँग्रेसचे माजी आमदार डॉ. कल्याण काळे, हिशाम उस्मानी, इब्राहिम पटेल, संतोष भिंगारे, भाजपचे संजय केणेकर, भगवान घडामोडे, प्रमोद राठोड, अनिल मकरिये, राजू शिंदे, महेश माळवतकर, बबन नरवडे, पॅथर्स रिपब्लिकन पार्टीचे सिद्धांत गाडे, सूर्यकांता गाडे, भावना गाडे, डॉ. अरविंद गायकवाड, दिनकर ओंकार, रतनकुमार पंडागळे, रमेशभाई खंडागळे, गंगाधर ढगे, गौतम लांडगे, राहुल सोनवणे, गौतम खरात, महापालिकेचे एस.डी. पानझडे, रवींद्र निकम आदींनी पुतळ्याला पुष्पहार अर्पण करून अभिवादन केले.

पदयात्रा : शहराच्या विविध भागांतून वाहन रॅली, पदयात्रा काढण्यात आल्या होत्या. ‘जयभीम’च्या घोषणा देत शहराच्या विविध भागांतून शेकडो आंबेडकरी अनुयायी भडकलगेट येथे दाखल झाले होते. पॅंथर्स रिपब्लिकन पार्टीच्या वतीने काढलेल्या पदयात्रेने लक्ष वेधून घेतले. सिद्धांत गाडे यांच्यासह सर्व सहभागींनी निळे फेटे परिधान केले होते. एका सजलेल्या रथामध्ये भारतरत्न डॉ. बाबासाहेब आंबेडकर यांची आकर्षक मूर्ती ठेवण्यात आली होती. पदयात्रेने येऊन बाबासाहेबांना अभिवादन करण्यात आले. तसेच श्री संत सावता माळी विद्यार्थी वसतिगृहातील विद्यार्थ्यांनी पदयात्रेने येऊन अभिवादन केले. दलित कोब्रा संघटनेच्या वतीनेही पदयात्रा काढली होती. समता सैनिक दलाच्या वतीने मानवंदना देण्यात आली.

पुस्तक विक्री : भडकलगेट येथे यंदाही पुस्तकांचे स्टॉल्स सजले होते. काही ठिकाणी ५० टक्के सूट दिली गेली. संविधानाच्या प्रती या ठिकाणी उपलब्ध होत्या. ‘बुद्ध आणि त्यांचा धम्म’, ‘मूकनायक', ‘बहिष्कृत भारत ', ‘ माझी आत्मकथा ' , ‘ भारतीय संविधान ' , ‘ रमाई ' , ‘ हिंदू कोड बिल ' यासह अन्य पुस्तकांना मोठी मागणी असल्याचे पुस्तक विक्रेते भाऊसाहेब काळे यांनी सांगितले.

पेन्शनमधून मोतीचूर लाडूंचे वाटप : पेन्शनर गंगा रावसाहेब जोंधळे यांच्या वतीने भडकल गेट येथे आलेल्या भीमसैनिकांना ८० किलो मोतीचूरचे लाडू वाटण्यात आले. सार्वजनिक आरोग्य सेवेतून निवृत्त झालेल्या श्रीमती जोंधळे म्हणाल्या, शासकीय सेवेत असताना काही मर्यादांमुळे समाजासाठी फार काही करता आले नाही, निवृत्तीनंतर तरी भीमबाबांच्या जयंतीनिमित्त येणाऱ्या भीमसैनिकांचे तोंड गोड करावे, या उद्देशाने लाडू वाटप केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

SCROLL FOR NEXT

औरंगाबादेत बाबासाहेब आंबेडकरांना अभिवादन करण्यासाठी उसळला जनसागर !

Also Read

IPL 2024: आजपर्यंत आयपीएलच नाही, तर T20 च्या इतिहासात जे कोणालाच जमलं नव्हतं, ते KKR ने लखनौमध्ये करून दाखवलं

CISCE Result : ‘सीआयएससीई’च्या दहावी-बारावीचा निकाल उद्या होणार जाहीर; 'येथे' बघा रिझल्ट

IPL 2024 LSG vs KKR: दमदार फलंदाजीनंतर कोलकाताच्या गोलंदाजांनी उडवला लखनौचा धुव्वा! पाँइंट्स टेबलमध्येही गाठला पहिला नंबर

Lok Sabha Election : 'PM मोदी हे कायमच आरक्षणाच्या विरोधात, आताही त्यांना...'; राहुल गांधीची घणाघाती टीका

Sharad Pawar : तब्येतीच्या कारणामुळे शरद पवारांचे उद्याचे सर्व कार्यक्रम रद्द