किर्तनकार शिवलीला पाटील Shivleela Patil ही 'बिग बॉस मराठी ३'च्या Bigg Boss Marathi 3 घरातील सर्वांत वादग्रस्त सदस्य ठरली. प्रकृतीच्या कारणास्तव सध्या ती बिग बॉसच्या घरातून बाहेर पडली आहे. मात्र पहिल्या दिवसापासून शिवलीला विविध कारणांमुळे चर्चेत राहिली आहे. शोमध्ये भाग घेण्यावरून ट्रोल होण्यापासून ते अचानक बाहेर पडण्यापर्यंत, शिवलीलाचा प्रवास पाहुयात..
'बिग बॉस मराठी ३'मध्ये भाग घेतल्यामुळे ट्रोल
किर्तनकार शिवलीलाने बिग बॉससारख्या शोमध्ये भाग घेऊन चुकीचा निर्णय घेतला असं म्हणत नेटकऱ्यांनी तिला ट्रोल केलं. "तुम्ही इतरांना ज्ञान शिकवता आणि स्वत: असा निर्णय घेता, हे चुकीचं आहे", अशा शब्दांत शिवलीलावर टीका करण्यात आली होती.
तृप्ती देसाई आणि शिवलीला यांच्यात वाद
सामाजिक कार्यकर्ता तृप्ती देसाईसुद्धा बिग बॉसच्या घरात स्पर्धक म्हणून सहभागी झाल्या आहेत. काही वर्षांपूर्वी तृप्ती देसाईंनी शिवलीलाचे गुरू इंदुरीकर महाराज यांच्याविरोधात गुन्हा दाखल केला होता. किर्तनात महिलांना कमी लेखल्याने देसाईंनी हे पाऊल उचललं होतं. यावरून बिग बॉसच्या घरात तृप्ती देसाई आणि शिवलीला यांच्यात वाद झाला.
शिवलीलावर भडकल्या तृप्ती देसाई
शनिवारच्या चावडीत तृप्ती देसाई शिवलीलावर भडकल्या होत्या. टास्कदरम्यान स्वत:चा मेंदू वापरावा, अशा शब्दांत त्यांनी सुनावलं होतं. इतकंच नव्हे तर घरातील इतर कामांत सहभागी न झाल्याबद्दलही देसाईंनी शिवलीलाला टोला लगावला होता. "मी कोणाशीही वाद करणार नाही कारण तो माझा स्वभावच नाही", असं उत्तर शिवलीलाने देसाईंना दिलं होतं.
इतर स्पर्धकांनी शिवलीलाला केलं नॉमिनेट
गेल्या आठवड्यात बिग बॉसच्या घरात नॉमिनेशन पार पडलं. यावेळी सर्वाधिक सदस्यांनी शिवलीलाला नॉमिनेट केलं. घरातील काम आणि टास्कमध्ये विशेष कामगिरी न केल्याने तिला नॉमिनेट करण्यात आलं होतं. शिवलीला या खेळासाठी योग्य स्पर्धक नसून तिने बिग बॉसमध्ये सहभागी होऊ नये, अशी इच्छा इतरांनी व्यक्त केली.
नॉमिनेशननंतर शिवलीलाचं भावनिक वक्तव्य
नॉमिनेशननंतर भावूक झालेली शिवलीला म्हणाली, “मला गेम कळायला थोडा वेळ लागला. पण इथून पुढे प्रत्येक गोष्टीमध्ये माझा सहभाग दिसेल. बिग बॉसचं घर हे फक्त भांडणाचं घर आहे, इथे फक्त काड्या, कुचर्या एवढचं केलं जातं असं प्रत्येक जण म्हणतं. पण मी असा विचार करून आले होते, की जेव्हा इथे येईन ना तेव्हा प्रत्येक माणूस माझा असेल. मी आठ दिवस जरी राहिले, तरी ज्यादिवशी मी घरातून बाहेर पडेन, त्यादिवशी प्रत्येकाच्या डोळ्यात माझ्यासाठी पाणी असेल”.
प्रकृतीच्या कारणास्तव शिवलीला बिग बॉसच्या घराबाहेर
शिवलीलाची प्रकृती अचानक बिघडली आणि बुधवारच्या एपिसोडमध्ये बिग बॉसने जाहीर केल्याप्रमाणे वैद्यकीय उपचारांकरिता काही काळ तिला बिग बॉस मराठीच्या घराबाहेर जावं लागलं. त्यामुळे बुधवारपासून व्होटिंग लाईन्स बंद करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.