बिग बॉस मराठी सिझन ३ ची चर्चा संपूर्ण महाराष्ट्रात रंगली. स्पर्धक कोण असतील, घर कसे असेल, याबद्दलची उत्सुकता प्रेक्षकांच्या मनात होती. १९ सप्टेंबर रोजी संध्याकाळी ७ वाजता या कार्यक्रमाचा ग्रँड प्रिमिअर सोहळा पार पडला.
महेश मांजरेकर यांची धमाकेदार एन्ट्री झाली आणि याचसोबत सिध्दार्थ जाधवने त्यांना उत्तम साथ देत पुन्हा एकदा सगळ्याची मनं जिंकली. स्नेहा वाघ, मीनल शाह, अक्षय वाघमारे, मीरा जगन्नाथ, विकास पाटील, सुरेखा कुडची, गायत्री दातार यांचे एकापेक्षा एक दमदार परफॉर्मन्स सादर झाले.बिग बॉस मराठीच्या घरामध्ये पहिल्याच दिवशी मीरा आणि जयमध्ये भांडण होणार आहे. इतकंच नव्हे तर मीराचा स्नेहासोबतही वाद होणार आहे. एका गोष्टीवरून मीरा जयला सुनावते. त्यावरून स्नेहा मिराला खडसावते. घरामध्ये झालेला वाद असो किंवा बिग बॉस मराठीच्या घरामध्ये झालेली पहिली नॉमिनेशन प्रक्रिया असो सगळेच चर्चेत असणार आहे. मीरा आणि स्नेहा तसेच मीरा आणि जयमध्ये वाद कशा वरून झाला, पुढे काय झालं, हे प्रेक्षकांना सोमवारच्या भागामध्ये कळेल.पहिल्या नॉमिनेशनद्वारे लढाईचा प्रारंभ होणार आहे. सदस्यांचा पहिला दिवस कसा होता, पहिल्या नॉमिनेशन प्रक्रीयेमध्ये कोण कोण नॉमिनेट झाले, हे बघणेदेखील रंजक ठरणार आहे.बिग बॉस मराठी सिझन ३ रात्री ९.३० वाजता कलर्स मराठी वाहिनीवर प्रेक्षकांच्या भेटीला येणार आहे. सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.