नवी दिल्ली : भारतीय जनता पक्षाने (भाजप) त्रिपुरातील विरोधी पक्षांवर मात करण्यासाठी आणि पक्षाअंतर्गत असंतोष कमी करण्यासाठी नव्या चेहऱ्याला राज्य विधानसभा निवडणुकीत उतरविण्याची रणनिती आखली आहे. भाजपची हीच रणनिती यापूर्वी सुद्धा यशस्वी ठरली आहे. त्यानुसार विप्लवकुमार देव यांनी त्रिपुराच्या मुख्यमंत्रिपदाचा राजीनामा दिला. काही तासांतच पक्षाच्या माणिक साहा यांची मुख्यमंत्रिपदासाठी निवड करण्यात आली.