कोरोनामुळे अनेक देशांनी पर्यटकांसाठी आपल्या सीमा बंद केल्या होत्या. पण आता हळूहळू सर्वकाही पूर्वपदावर येत आहे. अलीकडच्या काळात मालदीव आणि दुबईत सुट्टीचा आनंद घेताना अनेकांची छायाचित्रे सोशल मीडियावर सतत व्हायरल होताना दिसत आहेत. कोरोना लसीकरणानंतर अनेक देशांनी आपल्या सीमा पर्यटकांसाठी खुल्या केल्या आहेत. ट्रॅव्हल हेल्थ गाइडलाइननुसार अनेक देशांनी भारतीय पर्यटकांचे स्वागत करण्यासही सहमती दर्शवली आहे.
रशिया- प्रवासाची आवड असलेल्या लोकांनाही रशिया खूप आवडतो. जर तुम्हालाही रशियातील सेंट पीटर्सबर्गच्या रस्त्यांचा किंवा मॉस्कोच्या ऐतिहासिक सहलीचा आनंद घ्यायचा असेल, तर तुमच्या बॅग पॅक करा. पण येण्यापूर्वी ७२ तासातील कोविड निगेटीव्ह असल्याचा रिपोर्ट तुमच्यासोबत ठेवण्यास विसरू नका. ७२ तासांपूर्वीचा अहवाल वैध ठरणार नाही.
नेपाळ- उंच पर्वतांवरून बौद्ध मंदिरांची वास्तुकला पाहण्याचा अनुभव घेण्यासाठी तुम्ही नेपाळला जाऊ शकता. देशात अजूनही अनेक निर्बंध आहेत, परंतु नेपाळमधील उंच शिखरांचे दृश्य जवळून पाहू शकाल. नेपाळला जाणार्या भारतीयांनाSARS-CoV2 GeneXpert किंवा Nucleic acid Amplification Test (NAAT) व्यतिरिक्त ७२ तासांपूर्वी केलेल्या कोविड चाचणी अहवालाची आवश्यकता असेल.
मालदीव- सेलिब्रिटी आणि इंन्फ्लुएन्सर्स आजकाल इंस्टाग्रामवर मालदीवचे शुभ्र किनारे, चमकणारे पाणी आणि निळे आकाश यांचे बरेच फोटो शेअर करत आहेत. ही छायाचित्रे पाहिल्यानंतर तुम्हीही मालदीवला जाण्याचा विचार करत असाल, तर तुम्हाला आगमनाच्या ९६ तासा आधी केलेली कोविड-१९ पीसीआर चाचणी अहवाल दाखवावा लागेल. मालदीवला पोहोचल्यावर तुमची वैद्यकीय तपासणी होऊ शकते किंवा तुम्हाला आरोग्याशी संबंधित काही प्रश्न विचारले जाऊ शकतात.युएई (UAE) - दुबईच्या शानदार दृश्यापासून ते मानवनिर्मित बेटांवरील शाही सुविधांचा आनंद घ्यायचा असेल तर तुम्ही UAE (संयुक्त अरब अमिराती) येथे जाऊ शकता. तुम्हाला फक्त उड्डाण घेण्यापूर्वी ४८ तास आधी कोविड -१९ पीसीआर चाचणी निगेटिव्ह अहवाल दाखवावा लागेल. आपण इच्छित असल्यास आपण यूएईला जाण्यापूर्वी आंतरराष्ट्रीय कव्हरेजसह आपला वैद्यकीय विमा देखील करू शकता.
युक्रेन - युक्रेनची राजधानी किवच्या स्ट्रीट फूड फेस्टिव्हलपासून ते ल्विव्हमधील पर्वताच्या शिखरावर बांधलेल्या राजवाड्यापर्यंत युक्रेनच्या सौंदर्यात भर पडते. जर तुम्हाला युक्रेनच्या शहरे आणि रस्त्यांवर प्रवास करायचा असेल तर तुमच्याकडे विमा पॉलिसी असणे आवश्यक आहे. हा विमा युक्रेनमधील विमा कंपनी किंवा युक्रेनमधील परदेशी विमा कंपनीचा असावा.अमेरिका - न्यूयॉर्कचा गजबजाट, हॉलिवूडच्या समुद्रकिनारे आणि रस्ते इ.चा विचार तुमच्या मनात अनेकदा आला असेल. आता तुम्ही टुरिस्ट व्हिसावर सहजपणे अमेरिकेला जाऊ शकता. येथे जाण्यासाठी ७२ तासातील कोविड -१९ पीसीआर चाचणी निगेटिव्ह असल्याचा अहवाल आपल्यासोबत ठेवणे आणि प्रवासी अधिकाऱ्यांना ते दाखवणं आवश्यक आहे. देशातील विविध शहरांना भेट देण्यासाठी तुम्हाला एक विशेष आरोग्य फॉर्म देखील भरावा लागेल.
श्रीलंका- हिरवीगार जागा, ऐतिहासिक वास्तू आणि सुंदर समुद्रकिनारे यामुळे श्रीलंकेची गणना आदर्श पर्यटन स्थळांमध्ये केली जाते. तुम्हाला श्रीलंकेला जायचे असल्यास, आगमनाच्या वेळी तुम्हाला कोविड १९ पीसीआर चाचणी निगेटिव्ह असल्याचे प्रमाणपत्र दाखवावे लागेल. हा चाचणी अहवाल ७२ तासांपेक्षा पूर्वीचा नसावा. याशिवाय लसीकरण न केलेल्या लोकांना १४ दिवस क्वारंटाईन राहावे लागेल.
दक्षिण आफ्रिका- दक्षिण आफ्रिकेच्या वन्यजीव उद्यानांचे आणि संस्कृतीचे आकर्षण या खंडाला सुट्टीचे उत्तम ठिकाण बनवते. येथे जाण्यासाठी, तुम्हाला ७२ तासांतील कोविड -१९ निगेटिव्ह पीसीआर चाचणी अहवाल दाखवावा लागेल. यासोबतच तुम्हाला आरोग्याशी संबंधित काही प्रश्नांची उत्तरेही द्यावी लागतील. थायलंड- थायलंड १ नोव्हेंबरपासून प्रवाशांसाठी खुले होणार आहे. इथे बँकॉकच्या अप्रतिम बाजारपेठांपासून ते कोह ताओ सारख्या बेटाच्या सुंदर किनार्यापर्यंत अनेक ठिकाणं तुम्हाला खुणावतील. थायलंडमध्ये आल्यावर तुम्हाला क्वारंटाईन राहण्याची गरज नाही, परंतु आगमन होण्याच्या ७२ तास आधी कोविड -१९ पीसीआर चाचणी अहवाल निगेटिव्ह असणं आणि रॉयल थाई दूतावासाने जारी केलेल्या प्रवेश प्रमाणपत्राची आवश्यकता असेल.
केनिया - मासाई मारा रिझर्व्हमधील सफारींपासून ते सुंदर किनारपट्टी आणि मोत्यासारखे चमकणाऱ्या पाण्याचे आकर्षक दृश्य पाहण्यासाठी केनियालाही जाऊ शकता. केनियाला गेल्यानंतर, तुम्हाला ९६ तास आधीचा कोविड-१९ पीसीआर चाचणी अहवाल दाखवावा लागेल आणि आरोग्य निरीक्षण फॉर्म भरावा लागेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.